ალექსანდრე გეორგბელიძე

დაბადების ადგილი: ქ. სოხუმი.

აფხაზეთში მიმდინარე საომარი მოქმედებების დროს ჩამოაყალიბა სწრაფი რეაგირების ჯგუფი, 23-ე ბრიგადის პირველი ბატალიონი, რომელიც ყველაზე უფრო საშიშ ადგილებში ღებულობდა მონაწილეობას. სადაზვერვო ოცეული, რომელსაც ალექსანდრე გეორგბელიძე ხელმძღვანელობდა, საუკეთესო იყო ბრიგადაში. 1993 წლის 5 იანვარს შემოტევის დროს, ძირითადი დარტყმა სადაზვერვო ოცეულმა მიიღო, ამ შემოტევის დროს ალექსანდრე გეორგბელიძე ნაღმის ნამსხვრევით დაიჭრა და ადგილზე დაიღუპა. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.122-123

• ვახტანგ გორგასლის III ხარისხის ორდენი (გარდაცვალების შემდეგ)