გივი ნინიკაშვილი

დაბადების ადგილი: ქ. გორი.

დაამთავრა ქ. ხარატოვის სასოფლო-სამეურნეო ინსტიტუტის სატყეო-სამეურნეო ფაკულტეტი 1972 წელს.

1964 წლიდან მუშაობა დაიწყო ქ. გორის ქარხანა "გორიხელსაწყოს" ამწყობ ქარხანაში; 1972-1973წწ. გაწვეული იყო საბჭოთა არმიის რიგებში; 1974 წლიდან მუშაობდა გორის სატყეო მეურნეობაში მეტყევე-ტექნიკოსად, შემდეგ ტყის დაცვის ინჟინრად; 1975 წლიდან მუშაობდა ბუნების დაცვის სახელმწიფო კომიტეტის სისტემაში სხვადასხვა თანამდებობაზე: 1975-1981წწ. გორის ზონალურ ინსპექციაში მეტყევე-ინჟინრად; 1981-1982წწ. ამავე კომიტეტის ცენტრალურ აპარატში უფროს ინჟინრად; 1982-1985წწ. წამყვან ინჟინრად; 1985-1988წწ. დაინიშნა ამავე კომიტეტის ცხოველთა დაცვის განყოფილების უფროსად; 1988 წლიდან გადაყვანილ იქნა საქართველოს სსრ ბუნების დაცვისა და სატყეო მეურნეობის სახელმწიფო კომიტეტის მცენარეული სამყაროს დაცვის რესპუბლიკურ სპეციალიზებულ ინსპექციაში და დაინიშნა წამყვანი ინსპექტორის თანამდებობაზე; 1990 წლიდან გადაიყვანეს ამავე კომიტეტის ბუნების დაცვის მთავარი სამმართველოს ბუნების დაცვის საინსპექციო საქმიანობის კოორდინაციისა და ხელმძღვანელობის განყოფილების უფროსის თანამდებობაზე; 1991 წლიდან გადაყვანილ იქნა საქართველოს რესპუბლიკის ეკოლოგიისა და ბუნებათსარგებლობის სამინისტროს ცხოველთა სამყაროს დაცვის რესპუბლიკური სპეციალიზებული ინსპექციის უფროსის მოადგილის თანამდებობაზე; 1992-1993წწ. ასრულებდა ამავე ინსპექციის უფროსის მოვალეობას; 1993 წლიდან მუშაობდა შეზღუდული პასუხისმგებლობის ამხანაგობა სამეწარმეო კომპანია "წესის" ვიცე-პრეზიდენტის თანამდებობაზე; 1996 წლიდან დაინიშნა გარემოს და ბუნებრივი რესურსების სამინისტროს საორგანიზაციო სამმართველოს ტერიტორიული ორგანოების მართვის განყოფილების უფროსად; 1999-2000წწ. იყო ამავე სამინისტროს გარემოს დაცვის საქმიანობის მართვისა და კონტროლის დეპარტამენტის საორგანიზაციო სამმართველოს უფროსი; 2002-2006წწ. იყო ბიომრავალფეროვნების დაცვის დეპარტამენტის უფროსის მოადგილე; 2006 წლიდან მუშაობდა გარემოს დაცვის ინსპექციის ინსპექტირების სამსახურის ბიომრავალფეროვნების განყოფილებაში მთავარი სპეციალისტის თანამდებობაზე. 

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.75