ივანე მაყაშვილი

დაბადების ადგილი: ქ. თელავი.

1872 წლიდან მსახურობდა ჯარში ოფიცრად. 1877–1878წწ. რუსეთ-ოსმალეთის, 1904–1905წწ. რუსეთ-იაპონიის ომების მონაწილე. პრაპორშჩიკის ჩინით ხელმძღვანელობდა გურიის ქვეითი რაზმის ასეულს. 1901–1907წწ. მსახურობდა 65-ე სარეზერვო საარტილერიო ბრიგადაში. 1904 წელს მიენიჭა პოლკოვნიკის წოდება. 1907 წელს დაინიშნა გროზნოს 253-ე სარეზერვო ბატალიონის, ხოლო შემდგომ ახულგოს 250-ე სარეზერვო ბატალიონის მეთაურად. როგორც სამხედრო მწერალი, ავტორია წიგნებისა სამხედრო ისტორიის შესახებ. 1921 წელს ემიგრაციაში წავიდა საფრანგეთში. იქვე გარდაიცვალა. რუსეთის იმპერიის არმიის გენერალ-მაიორი (1907). მიღებული აქვს სახელმწიფო ჯილდოები.

წყარო: საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 593-594

• 1906 - ოქროს იარაღი
  მამაცობისთვის
• წმინდა ვლადიმირის IV ხარისხის ორდენი (ხმლებით და მშვილდით)
• წმინდა ანას III ხარისხის ორდენი (ხმლებით და მშვილდით )
• წმინდა ანას IV ხარისხის ორდენი