ილია მაყაშვილი

დაბადების ადგილი: სოფელი იყალთო, ახლანდელი თელავის მუნიციპალიტეტი.

დაამთავრა კიევის სამხედრო გიმნაზია 1873 წელს; კიევის ქვეით იუნკერთა სასწავლებელი 1877 წელს; ოფიცრების მსროლელთა სკოლა 1899 წელს.

1877–1878წწ. რუსეთ-ოსმალეთის, 1904–1905წწ. რუსეთ-იაპონიის, 1914–1918წწ. I მსოფლიო ომების მონაწილე. 1905–1914წწ. ციმბირის მე-18 მსროლელი პოლკის, 1914 წლიდან მე-6 ქვეითი დივიზიის მე-2 ბრიგადის, 56-ე ქვეითი დივიზიის ბრიგადის მეთაური, 1917 წლიდან 151-ე ქვეითი დივიზიის ბრიგადისა და 1917 წლის სექტემბრიდან ციმბირის მე-8 მსროლელი დივიზიის მეთაური. რუსეთის იმპერიის არმიის გენერალ-მაიორი (1914). მიღებული აქვს სახელმწიფო ჯილდოები.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 594; რუსეთის საიმპერატორო არმიის ოფიცრები: ria1914.info

• 1916 - წმინდა ვლადიმირის II ხარისხის ორდენი (ხმლებით)
• 1915 - წმინდა სტანისლავის I ხარისხის ორდენი (ხმლებით)
• 1915 - წმინდა ანას I ხარისხის ორდენი (ხმლებით)
• 1909 - წმინდა ვლადიმირის III ხარისხის ორდენი
• 1906 - წმინდა ვლადიმირის IV ხარისხის ორდენი (ხმლებითა და მშვილდით)
• 1906 - ოქროს იარაღი
• 1904 - წმინდა სტანისლავის II ხარისხის ორდენი (ხმლებით)
• 1904 - წმინდა ანას II ხარისხის ორდენი (ხმლებით)
• 1901 - წმინდა ანას III ხარისხის ორდენი
• 1884 - წმინდა სტანისლავის III ხარისხის ორდენი