ბესიკ გოგია

დაბადების ადგილი: დაბა გულრიფში.

აფხაზეთის კონფლიქტის დროს, 1992 წლის 12 სექტემბრიდან ირიცხებოდა მე-2 საარმიო კორპუსის 23-ე ბრიგადის მე-6 ცალკეულ სატანკო ბატალიონში, შემდეგ გადავიდა მე-2 საარმიო კორპუსის ცალკეული მატერიალური უზრუნველყოფის ბატალიონში. განსაკუთრებული თავდადება გამოიჩინა 5-6 იანვრისა და 16-17 მარტის შემოტევებისას. ბესიკ გოგია 1993 წლის 16 სექტემბერის საბრძოლო შეტაკების დროს ჭეშმარიტი გმირობისა და ვაჟკაცობის მაგალითი აჩვენა. ტყვიების წვიმაში გამოჰყავდა დაჭრილი თანამებრძოლები ფრონტის ხაზიდან, ტყვია-წამლითაც ამარაგებდა მათ. დაიღუპა 1993 წლის 21 სექტემბრის შეტაკებისას. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.135