ნიკოლოზ გოგია

დაბადების ადგილი: ქ. სოხუმი.

დაამთავრა საქართველოს სუბტროპიკული მეურნეობის ინსტიტუტის ტექნოლოგიის ფაკულტეტი.

1992 წელს, აფხაზეთში საომარი მოქმედებების დაწყების  დღიდან ირიცხებოდა საქართველოს რესპუბლიკის თავდაცვის  სამინისტროს მე-2 საარმიო კორპუსის 23-ე მექანიზირებული ბრიგადის მე-8 ბატალიონის მე-2 ("ბაგრატიონის") ასეულში. მონაწილეობდა ყველა მნიშვნელოვან საბრძოლო ოპერაციაში: ტამიშში, კინდღში, ლაბრაში, ცუგუროვკაში, კამანში. 1993  წლის 14 იანვარს, სოფელ კვიტოულში "ბაგრატიონელები" ალყაში მოაქციეს, ასეული მტერს რვა საათის განმავლობაში იგერიებდა; "ბაგრატიონმა" საგრძნობი ზარალი მიაყენა მტერს და ალყის გარღვევაც შეძლო. ასეულმა დიდი წვლილი  შეიტანა აგრეთვე 15-16 მარტს სოხუმზე განხორციელებული შტურმის დროს. ნიკოლოზ გოგია მონაწილეობდა გუდაუთის რაიონში ჩატარებულ სპეციალურ სადესანტო - სადაზვერვო ოპერაციაში. დაიღუპა 1993  წლის 31 მარტს, სოფელ კამანში მორიგი საბრძოლო ოპერაციის დროს სასიკვდილოდ დაიჭრა და სოხუმის ჰოსპიტალში გარდაიცვალა. საქართველოს ტერიტორიული მთლიანობისათვის მებრძოლი აფხაზეთის ომში. 

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.136

• ვახტანგ გორგასლის III ხარისხის ორდენი (გარდაცვალების შემდეგ)