ლავრენტი მაღლაკელიძე

დაბადების ადგილი: ქ. ზესტაფონი.

დაამთავრა თბილისის სახელმწიფო უნივერსიტეტის იურიდიული ფაკულტეტი სამართალმცოდნეობის სპეციალობით 2003 წელს; 2004-2006წწ. სწავლობდა საქართველოს მეცნიერებათა აკადემიის თ. წერეთლის სახელობის სახელმწიფოსა და სამართლის ინსტიტუტის ასპირანტურაში; 2006-2013წწ. თბილისის სახელმწიფო უნივერსიტეტის იურიდიული ფაკულტეტის დოქტორანტურაში; 2008-2012წწ. ფრიდრიხ შილერის სახელობის იენის (გერმანია) უნივერსიტეტის იურიდიული ფაკულტეტის დოქტორანტურაში; 2003 წელს წარმატებით ჩააბარა საქართველოს პროკურატურის მუშაკთა საკვალიფიკაციო გამოცდა; 2014 წელს წარმატებით ჩააბარა მოსამართლეთა საკვალიფიკაციო გამოცდა სისხლის სამართლის სპეციალიზაციით; 2015-2016წწ. იყო იუსტიციის უმაღლესი სკოლის მსმენელი; 2015 წლის დეკემბერში ქ. სტრასბურგში გაიარა სასწავლო კურსი, თემაზე "ევროპის საბჭოს და ადამიანის უფლებების ევროპული სასამართლოს საქმიანობა და გადაწყვეტილებები".

2004-2005წწ. - ზესტაფონის შინაგან საქმეთა რაიონული განყოფილების გამომძიებელი; 2005-2006წწ. - შინაგან საქმეთა სამინისტროს თბილისის მთავარი სამმართველოს უფროსი გამომძიებელი; 2007 წელს - თბილისის სახელმწიფო უნივერსიტეტის იურიდიული ფაკულტეტის მიწვეული ლექტორი; 2007-2008წწ. - ქართულ-ამერიკული უნივერსიტეტის სამართლის სკოლის მიწვეული ლექტორი; 2007 წელს სამეცნიერო მივლინებით იმყოფებოდა ფრიდრიხ შილერის სახელობის იენის უნივერსიტეტის (გერმანია) იურიდიული ფაკულტეტზე; 2007-2008წწ. იყო სტუნდენტურ გაცვლითი პროგრამის - თანამედროვე სისხლის სამართლის დოგმატიკის საკითხები - სამეცნიერო ხელმძღვანელი (ჩატარების ადგილი: ქ. თბილისი, ქ. ბერლინი); 2007-2011წწ. იყო სამეცნიერო გრანტის - "საქართველოში სისხლის სამართლის სწავლების თანამედროვე მეთოდების დანერგვა და სისხლის სამართლის დოგმატიკის განვითარება" - სამეცნიერო თანამშრომელი (ფოლკსვაგენის ფონდი (Volkswagenstiftung); 2008 წელს - საქართველოს ახალგაზრდა იურისტთა ასოციაციის მიწვეული ლექტორი; 2008-2009წწ. - სამეცნიერო გრანტის - "ევროპული სისხლის სამართლის განვითარებისათვის საქართველოში" - სამეცნიერო თანამშრომელი (ქართველოლოგიის, ჰუმანიტარული და სოციალური მეცნიერების ფონდი (რუსთაველის ფონდი); 2008-2012წწ. - გერმანიის აკადემიური გაცვლის სამსახურის (DAAD) სტიპენდიატი; 2008-2019წწ. - თბილისის სახელმწიფო უნივერსიტეტის იურიდიული ფაკულტეტის ასისტენტ-პროფესორი; 2019 წლის ივლისიდან - თბილისის სახელმწიფო უნივერსიტეტის იურიდიული ფაკულტეტის ასოცირებული პროფესორი; 2013-2015წწ. - თბილისის პროკურატურის საგამოძიებო ნაწილის პროკურორი; 2013 წელს გაიარა ტრენინგი სწავლების მეთოდოლოგიაში (USAID მხარდაჭერით); 2013 წლიდან - სულხან-საბა ორბელიანის სასწალო უნივერსიტეტის სამართლის ფაკულტეტის ასოცირებული პროფესორი. 2014-2015წწ. - შინაგან საქმეთა სამინისტროს აკადემიის სრული პროფესორი; 2015 წლის სექტემბერში იყო სასწავლო ვიზიტით ქ. ჰამბურგში და გაიარა კურსი გერმანიის სასამართლოს, პროკურატურის და პენიტენციალური სისტემა და საქმიანობა; 2015 წლიდან - უზენაესი სასამართლოს სამეცნიერო-საკონსულტაციო საბჭოს წევრი; 2016 წლიდან - გერმანულ-ქართული სისხლის სამართლის ჟურნალის სარედაქციო კოლეგიის წევრი; 2016 წლიდან - სამეცნიერო გრანტის - ქართული სისხლის სამართლის პროცესის ინტერნაციონალიზაცია და ევროპეიზაცია, როგორც გამოწვევა და ამოცანა - მონაწილე; 2017 წლის ნოემბერ-დეკემბერში საერთაშორისო სამართლებრივი თანამშრომლობის გერმანული ფონდის (IRZ)-ის ეგიდით, სასწავლო ვიზიტით იმყოფებოდა ქ. კიონიგსვინტერში და სტაჟირება გაიარა ფრანქფურტის საქალაქო სასამართლოში; 2018 წლის ოქტომბერ-ნოემბერში სასწავლო ვიზიტით იყო ქ. ვაშინგტონში და სტაჟირება გაიარა ვაშინგტონის სასამართლოში, ანგლო-ამერიკული შეჯიბრობითობის პროცესის გაცნობის მიზნით; არის არაერთი საერთაშორისო და სამეცნიერო კონფერენციის თანაორგანიზატორი და მონაწილე (მათ შორის ქართველ და გერმანელ სისხლის სამართლის მეცნიერ-იურისტთა პირველი პროფესიული შეხვედრის თანაორგანიზატორი, რომელიც ჩატარდა 2011 წლის 6-9 ოქტომბერს ქ. თბილისში); 2016-2021წწ. - თბილისის საქალაქო სასამართლოს სისხლის სამართლის საქმეთა კოლეგიის მოსამართლე; 2019 წლის ივნისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე; 2021 წლის აგვისტოდან - თბილისის სააპელაციო სასამართლოს სისხლის საქმეთა პალატის მოსამართლე. 

სადოქტორო დისერტაციის თემა - "განზრახვა და მართლწინააღმდეგობის შეგნება ქართული და გერმანული სისხლის სამართლის მიხედვით (შედარებით-სამართლებრივი ანალიზი)",  დაიცვა 2003 წელს.

წყარო: საქართველოს იუსტიციის უმაღლესი საბჭო: hcoj.gov.ge

• სისხლის სამართლის ზოგადი ნაწილი : სასჯელი და დანაშაულის სხვა სისხლისსამართლებრივი შედეგები (რედაქტორი). - თბილისი, მერიდიანი, 2013. - 268გვ.. - ISBN: 9789941107863
• სისხლის სამართალი = Strafrecht: ზოგადი ნაწილის მიმოხილვა : თანდართული ტესტების ნიმუშებითა და კაზუსის ამოხსნის მეთოდის გამოყენებით (რედაქტორი). - თბილისი, მერიდიანი, 2013. - 546 გვ. . - ISBN: 9789941107290
• განზრახვა და მართლწინააღმდეგობის შეგნება ქართული და გერმანული სისხლის სამართლის მიხედვით : (შედარებით-სამართლებრივი ანალიზი) (ავტორი). - თბილისი, მერიდიანი, 2013. - 254გვ.. - ISBN: 9789941107412