გოჩა გუგეშაშვილი

დაბადების ადგილი: სოფელი ბზიფი, გაგრის რაიონი.

აფხაზეთში მიმდინარე საომარი კონფლიქტის პირველი დღეებიდანვე ჩაირიცხა საქართველოს რესპუბლიკის თავდაცვის სამინისტროს გაგრის ბატალიონში რიგით ჯარისკაცად. ის ყველგან იღებდა მონაწილეობას საბრძოლო ოპერაციებში, სადაც ბატალიონი იბრძოდა. იყო დისციპლინირებული და შემსრულებელი ჯარისკაცი. მეთაურის დავალებას ყოველთვის დროულად და პირნათლად ასრულებდა, რაზეც არაერთხელ დაუმსახურებია მეთაურის მადლობა. 1992 წლის 4 ნოემბერს, გაგრის დაკარგვის შემდეგ, 1993 წლის 20 იანვარს სოხუმში გაგრის ბატალიონის განახლების შემდეგ, გოჩა გუგეშაშვილი  იბრძოდა აჩადარაში, შრომაში, კამანში, გუმაში, ზეგანზე, ბირცხასა და ტამიშში. 1993 წლის 4 ივლისს მძიმედ დაიჭრა გუმისთასთან და მიყენებული ჭრილობისგან თბილისის ჰოსპიტალში გარდაიცვალა 1993 წლის 7 ივლისს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.143-144

• 1994 - ვახტანგ გორგასლის III ხარისხის ორდენი (გარდაცვალების შემდეგ)