მერაბ სვანიძე

დაბადების ადგილი: ქ. თბილისი.

დაამთავრა ქ. ბრიანსკის სატყეო ინსტიტუტის სატყეო-სამეურნეო ფაკულტეტი 1953 წელს.

1953-1954წწ. მუშაობდა გუდაუთის სატყეო მეურნეობის ახალი ათონის სატყეოს უფროსის მოადგილედ; 1957-1958წწ. იყო სატყეო მრეწველობის სახელმწიფო საპროექტო ინსტიტუტის ინჟინერი; 1958-1961წწ. თბილისის სატყეო ინსტიტუტის ასპირანტი; 1962-1964წწ. თბილისის სატყეო ინსტიტუტის უმცროსი მეცნიერი თანამშრომელი; 1964-1968წწ. თბილისის ტყის ინსტიტუტის უფროსი მეცნიერ თანამშრომელი; 1968-1971წწ. თბილისის სატყეო ინსტიტუტის სწავლული მდივანი; 1971-1982წწ. სამთო მეტყევეობის ინსტიტუტის სამეცნიერო ინფორმაციის განყოფილების გამგე; 1982-1990წწ. ბრიანსკის ტექნიკური ინსტიტუტის ნიადაგმცოდნეობის, ტყის კულტურების კათედრის გამგე; 1990-1991წწ. ვასილ გულისაშვილის სახელობის სამთო მეტყვეობის ინსტიტუტის მთავარი მეცნიერ თანამშრომელი; 1991-2000წწ. ვასილ გულისაშვილის სატყეო ინსტიტუტის ტყეთმცოდნეობის, მეტყევეობისა და ტყეთმოწყობის ლაბორატორიის გამგე; 2006 წელს ვასილ გულისაშვილის სახელობის სატყეო ინსტუტის ბიომრავალფეროვნების, დაგეგმარებისა და ექსპერტიზის განყოფილების მთავარი მეცნიერ თანამშრომელი; 2002 წლიდან საქართველოს გარემოს დაცვისა და ბუნებრივი რესურსების სამინისტროს ექსპერტი. გამოქვეყნებული აქვს 95 სამეცნიერო ნაშრომი, 2 მონოგრაფია, 10 მეთოდური მითითება. ბიოლოგიურ მეცნიერებათა დოქტორი (1980).

წყარო: ასი უბერებელი მეტყევე: ქართველ მეტყევეთა ბიოგრაფ. ცნობები/ანზორ ჩაფიძე.-თბ.,2009.-გვ.89

• საქართველოს ეკოლოგიურ მეცნიერებათა აკადემია, აკადემიკოსი (1995-)