გოჩა დვალიშვილი

დაბადების ადგილი: ქ. ქუთაისი.

დაამთავრა ქუთაისის პოლიტექნიკური ინსტიტუტის მანქანათმშენებლობის ტექნოლოგიის ფაკულტეტი.

მუშაობდა საავტომობილო ქარხანაში, შემდეგ ეროვნულ ჯარში განაგრძო სამსახური ინჟინერ-მექანიკოსად. აფხაზეთში მიმდინარე საომარი მოქმედებების დროს, 14 აგვისტოს აფხაზეთის ტერიტორიაზე შეტაკების გამო დაზიანებული საბრძოლო-საავტომობილო ტექნიკის ადგილზე შეკეთების მიზნით, აფხაზეთში 17 აგვისტოს ქუთაისიდან გაემგზავრა სამი ავტომანქანა, მათ შორის ერთი ამწეკრანი, მასში იმყოფებოდნენ დავით სარალიძე, გოჩა დვალიშვილი და მძღოლი. დაიღუპა 1992 წლის 17 აგვისტოს ენგურის ხიდთან მომხდარი შეტაკების დროს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.163-164

• მედალი "მხედრული მამაცობისთვის" (გარდაცვალების შემდეგ)