მერაბ მახარაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის (ახლანდელი საქართველოს ტექნიკური უნივერსიტეტი) სამთო-გეოლოგიური ფაკულტეტი 1952 წელს.

1952–1961წწ. მუშაობდა კომბინატ "საქნახშირის" ტყიბულის ქვანახშირის შახტებში; 1961–1964წწ. მოსკოვის სამთო ინსტიტუტში; 1965–1985წწ. საქართველოს პოლიტექნიკური ინსტიტუტში სხვადასხვა თანამდებობაზე; 1985–1991წწ. საქართველოს სასოფლო-სამეურნეო ინსტიტუტში (ახლანდელი აგრარული უნივერსიტეტი) გამოყენებითი მექანიკის კათედრაზე; 1991–2006წწ. საქართველოს პოლიტექნიკური ინსტიტუტში თავდაპირველად მანქანათა ნაწილების, შემდეგ სასარგებლო წიაღისეულის საბადოთა დამუშავებისა და მიწისქვეშა ნაგებობათა მშენებლობის კათედრებზე პროფესორად. მან შეიმუშავა არაერთი სამაგრი კონსტრუქცია, რომლებიც დაინერგა ტყიბულისა და ჭიათურის მაღაროებში. არის სამეცნიერო ნაშრომების ავტორი. იყო ქართული ენციკლოპედიის მთავარი სარედაქციო საბჭოს წევრი. ეწეოდა ნაყოფიერ პედაგოგიურ მოღვაწეობას.  სამთო ინჟინერი, მიწისქვეშა ნაგებობების მშენებელი, პროფესორი (1983). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 620

• 2003 - ღირსების ორდენი

• გვირაბების სამაგრი კონსტრუქციები და გაანგარიშება : სახელმძღვანელო უმაღლესი ტექნიკური სასწავლებლების სტუდენტებისათვის (ავტორი). - თბილისი, განათლება, 1984. - 299გვ.
• ქანების მექანიკა და სამთო წნევა : დამხმარე სახელმძღვანელო (ავტორი). - თბილისი, საქართველოს პოლიტექნ. ინ-ტი, 1981. - 100გვ.