თინა მგალობლიშვილი

დაბადების ადგილი: ქ. თბილისი.

დაამთავრა თეატრალური ინსტიტუტის სამსახიობო ფაკულტეტი 1959 წელს.

გაახმოვანა 600-მდე კინოგმირი, მათ შორისაა მარიტა ("ნატვრის ხე", რეჟ. თ. აბულაძე), ხათუნა ("როცა აყვავდა ნუში", რეჟ. ლ. ღოღობერიძე), ესმა ("სამი სიცოცხლე", რეჟ. ი. პერესტიანი), თამარი ("მთვარის მოტაცება", რეჟ. თ. მელიავა), შორენა ("დიდოსტატის მარჯვენა", რეჟისორები: ვ. ტაბლიაშვილი, დ. აბაშიძე) და სხვ. წლების განმავლობაში იყო საქართველოს ტელევიზიისა და რადიომაუწებლობის სახელმწიფო კომიტეტის დიქტორი; საინფორმაციო პროგრამა "მოამბის" წამყვანი. რადიოში მიჰყავდა მხატვრულ-ლიტერატურული გადაცემები. 2021 წელს მთაწმინდაზე, ტელეანძის მიმდებარედ, გაიხსნა მისი ვარსკვლავი.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 630

• 1987 - საქართველოს დამსახურებული არტისტი