დარეჯან მეგრელაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1946 წელს.

1950–1952წწ. მუშაობდა აკადემიკოს ს. ჯანაშიას სახელობის საქართველოს სახელმწიფო მუზეუმის ხელნაწერთა განყოფილებაში; 1952–2006წწ. ივ. ჯავახიშვილის სახელობის ისტორიისა და ეთნოლოგიის ინსტიტუტის ფეოდალური ხანის ისტორიის განყოფილებაში. კითხულობდა ლექციებს საქართველოს ტექნიკურ უნივერსიტეტში. მისი კვლევის ძირითადი სფერო იყო სოციალური ურთიერთობანი ფეოდალურ საქართველოში, მუშაობდა წყაროთმცოდნეობის მიმართულებითაც. ეკუთვნის ისეთ მნიშვნელოვან წყაროთა პუბლიკაციები, როგორებიცაა: "სახლთუხუცესის რიგი და შესავალი" (1953); "მასალები XVIII ს. 20-იანი წლების ქართლ-კახეთის ისტორიისათვის" (1960); "ჯულაბაშვილების დავთარი" (1963); "შაჰნავაზ მეფის ასულის მზითვის წიგნი" (1997). არის სამეცნიერო სტატიებისა და 3 მონოგრაფიის ავტორი, საქართველოს ისტორიის ნარკვევების (ტ. 4, თბ., 1973), თბილისის ისტორიის (ტ. 1, თბ., 1990), История крестьянства СССР с древнейших времён до Великой Октябрской Социалистической революции (М., 1987) თანაავტორი; იყო ივ. ჯავახიშვილის, ნ. ბერძენიშვილის, ქ. შარაშიძის, ი. დოლიძის, ვ. გამრეკელის, ა. ბაქრაძის, მ. იაშვილის შრომების რედაქტორი და გამომცემელი. მისი არქივი დაცულია კ. კეკელიძის სახელობის საქართველოს ხელნაწერთა ეროვნულ ცენტრში. ისტორიის მეცნიერებათა დოქტორი (1990), პროფესორი (1995). 

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 650

• 1998 - ნიკო ბერძენიშვილის სახელობის პრემია
• ივანე ჯავახიშვილის სახელობის მედალი

• საქართველოს გლეხობა XIII–XV საუკუნეებშ : სოციალური სტრუქტურა, საგლეხო მიწები, მეურნეობა, ანტიფეოდალური წინააღმდეგობანი სოფლად, გლეხური ყოფა (ავტორი). - თბილისი, მეცნიერება, 1991. - 183გვ.. - ISBN: 5520004447
• გლეხობის კლასობრივი ბრძოლა ფეოდალურ საქართველოში (ავტორი). - თბილისი, მეცნიერება, 1979. - 210გვ.
• ნარკვევები ფეოდალური საქართველოს გლეხობის ისტორიიდან : გლეხობის ეკონომიური მდგომარეობა (თანაავტორი) // ნაწ. 1. - თბილისი, მეცნიერება, 1967. - 233გვ.