გიორგი მაისურაძე

დაამთავრა თბილისის სახელმწიფო უნივერსიტეტის იურიდიული ფაკულტეტი 1996 წელს; თელავის იაკობ გოგებაშვილის სახელობის სახელმწიფო უნივერსიტეტი სამხედრო მომზადებისა და ფიზიკური აღზრდის სპეციალობით 1999 წელს; ჩაბარებული აქვს მოსამართლის, მოსამართლის თანაშემწის, პროკურატურის, ადვოკატურის, აღმასრულებლის, საჯარო რეესტრის და სახელმწიფო რეესტრის საკვალიფიკაციო გამოცდები; გავლილი აქვს ეკონომიკისა და დისტანციური სწავლების კურსი; 2009 წელს იყო თბილისის ეკონომიკურ ურთიერთობათა სახელმწიფო უნივერსიტეტის დოქტორანტი; 2011 წელს იყო თბილისის სახელმწიფო უნივერსიტეტის დოქტორანტი. 

1989-1992წწ. - თელავის საგზაო სამმართველოში მუშა; 1992-1996წწ. - თელავის რეგიონალური სამხედრო პროკურატურაში საზოგადოებრივ საწყისებზე გამომძიებლისა და პროკურორის თანაშემწე; 1993-1999წწ. - თელავის სამხედრო ტექნიკური სკოლის სამართალმცოდნეობის პედაგოგი და კოოპერატივ "მეტეხის" იურისტი; 1999 წელს - თელავის რეგიონალურ სამოქალაქო ინიციატივების ცენტრის იურიდიული სამსახურის ხელმძღვანელი; 1999-2003წწ. - თიანეთის რაიონული სასამართლოს მოსამართლის თანაშემწე; 2000-2002წწ. - თიანეთის მირზა გელოვანის სახელობის საშუალო სკოლასა და თიანეთის სახელმწიფო მრავალდარგოვან კოლეჯში პედაგოგი; 2003-2005წწ. - თელავის რაიონული სასამართლოს მოსამართლის თანაშემწე; 2004 -2006წწ. - საქართველოს ტექნიკური უნივერსიტეტის თელავის ფილიალის პედაგოგი; 2007-2010წწ. - თელავის ი. გოგებაშვილის სახელობის სახელმწიფო უნივერსიტეტის პედაგოგი; 2005 წელს - შს თელავის სამმართველოს ს.ს.ს განყოფილება, გამომძიებელი; 2005 წელს - თელავის საპასპორტო, მოსახლეობის რეგისტრაციისა და სამოქალაქო აქტების რეგისტრაციის სამსახურის მრჩეველი; 2005-2011წწ. - ლაგოდეხის რაიონული სასამართლოს მოსამართლე; 2007 წელს მივლინების საფუძველზე მოსამართლის უფლებამოსილებას ახორციელებდა საგარეჯოს რაიონულ სასამართლოში; 2010-2012წწ. მივლინებული იყო თბილისის საქალაქო სასამართლოში; 2011-2012წწ. იყო ფოთის საქალაქო სასამართლოს მოსამართლე; 2012 წლის იანვრიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე. 2018 წლის თებერვლიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge