ავთანდილ მენთეშაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1964 წელს.

მუშაობდა თბილისის სახელმწიფო უნივერსიტეტში. იყო მსოფლიო ხალხთა ისტორიის კათედრის ასისტენტი (1969), დოცენტი (1971); 1972–1976წწ. ისტორიის ფაკულტეტის დეკანის მოადგილე სამეცნიერო დარგში; 1979–1981წწ. ისტორიის ფაკულტეტის სპეციალიზებული საბჭოს სწავლული მდივანი; 1992–2000წწ. რუსეთის ისტორიის კათედრის გამგე; 1988–1989წწ. მუშაობდა ჰარვარდის უნივერსიტეტში (აშშ) დაცულ საქართველოს დემოკრატიული რესპუბლიკის მთავრობის არქივის ფონდებში; მის მიერ მოძიებული მასალის საფუძველზე საქართველოს უზენაესი საბჭოს მიერ შექმნილმა კომისიამ (20. VI. 1989) პოლიტიკური და სამართლებრივი შეფასება მისცა საქართველოს დემოკრატიული რესპუბლიკისა და საბჭოთა რუსეთს შორის 1920 წლის 7 მაისს დადებულ ხელშეკრულებას. ამ კომისიის მუშაობის შედეგად 1990 წელს, გამოიცა წიგნი "საქართველოს ოკუპაცია და ფაქტობრივი ანექსია. დოკუმენტები და მასალები" (შემდგენელი მ.);
მისი კვლევები რუსეთსა და სამხრეთ კავკასიაში ეროვნულ ურთიერთობათა პრობლემებს და პოსტსაბჭოთა სივრცეში ეთნოკონფლიქტებს შეეხება; იგი იყო მრავალი სამეცნიერო ნაშრომის ავტორი (ინგლ., გერმ. და რუსულ ენებზე) და საერთაშორისო სამეცნიერო კონფერენციების მონაწილე. ისტორიის მეცნიერებათა დოქტორი (1991), პროფესორი (1992).

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• Исторические предпосылки современного сепаратизма в Грузии (ავტორი). - Тбилиси, Тип. Тбил. ун-та, 1998. - 148с.
• Из истории взаимоотношений грузинского, абхазского и осетинского народов (1918-1921 гг.) (ავტორი). - Тбилиси, О-во "Знание" Грузии, 1990. - 80с.. - ISBN: 5895120539
• ბურჟუაზიული ისტორიოგრაფია სოციალისტური რევოლუციის შესახებ საქართველოში (ავტორი). - თბილისი, თბილისის უნივერსიტეტის გამომცემლობა, 1987. - 45გვ.