ზურაბ მენთეშაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1977 წელს.

1977–1994წწ. მუშაობდა თბილისის სახელმწიფო უნივერსიტეტის მაღალი ენერგიების ფიზიკის ინსტიტუტში მეცნიერ თანამშრომლად; 1992–1994წწ. კითხულობდა ლექციათა ციკლს "ველის კვანტურ თეორიაში" თბილისის სახელმწიფო უნივერსიტეტის ფიზიკის ფაკულტეტის სტუდენტებისთვის; 1995–1999წწ. მუშაობდა USAID (აშშ საერთაშ. განვითარების სააგენტო) საქართველოს ენერგეტიკის სფეროს რეაბილიტაციის პროგრამის მენეჯერად; 2000 წლიდან არის საპროექტო კომპანია შპს "არსი საინჟინრო კონსალტინგის" დირექტორის მოადგილე. არის სამეცნიერო პუბლიკაციების ავტორი. მისი სამეცნიერო კვლევები ეხება სინათლის "ფრონტის" ფორმალიზმის ფარგლებში შედგენილი სისტემებისა და მაღალი ენერგიების პირობებში რელატივისტური შედგენილი სისტემების ურთიერთქმედების პროცესების აღწერას.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• 2009 - საქართველოს ეროვნული პრემია