კვირიკე

XI ს. I ნახევარში მოღვაწე მშენებელი ოსტატი, ზემო კრიხის ეკლესიის (ქვემო რაჭა, ამბროლაურის მუნიციპალიტეტი) კარიბჭის მშენებელი. სამხრეთ სარკმლის სათაურის მარჯვნივ მოთავსებული იყო ქვა ნუსხახუცური წარწერით, სადაც მოიხსენიებოდა კვირიკე. კარიბჭე, რომელიც შემკული იყო ფრიად მდიდრული ჩუქურთმებით, XI ს. I ნახევრის ქართული ხუროთმოძღვრული დეკორის ბრწყინვალე ნიმუშს წარმოადგენდა. ეკლესია დაინგრა 1991 წელს მიწისძვრის შედეგად, 2008–2009წწ. აღდგენილია.

წყარო: საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 11