გია კილაძე

აფხაზეთში მიმდინარე საომარი მოქმედებების დროს, გია კილაძე ირიცხებოდა მე-2 საარმიო კორპუსის 23-ე  მექანიზირებული ბრიგადის მე-3 ბატალიონში რიგით მებრძოლად. აქტიურად  მონაწილეობდა  ბატალიონის  მიერ  წარმოებულ საბრძოლო ოპერაციებში. განსაკუთრებული სიმამაცე გამოიჩინა 1993 წლის 16-17 მარტის შემოტევების  დროს, მდინარე გუმისთასთან მიმდინარე საომარი მოქმედებებისას, 16 მარტს გია კილაძე მძიმედ დაიჭრა. დაიღუპა 1993  წლის 18 სექტემბერს სოფელ აჩადარაში მოწინააღმდეგის მორიგი შემოტევისას. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.243

• მედალი "მხედრული მამაცობისთვის" (გარდაცვალების შემდეგ)