ოლეგ ალავიძე

დაბადების ადგილი: სოფელი საირმე, ცაგერის მუნიციპალიტეტი.

დაამთავრა თბილისის სახელმწიფო უნივერსიტეტის ისტორიის ფაკულტეტი, ხელოვნების ისტორია და თეორიის სპეციალობით 1973 წელს; ქ. მოსკოვის პედაგოგიკის მეცნიერებათა აკადემიის მხატვრული აღზრდის ინსტიტუტის ასპირანტურა 1981 წელს.

1973-1975წწ. იყო საქართველოს განათლების სამინისტროს ესთეტიკური აღზრდის რესპუბლიკური მეთოდკაბინეტის მეთოდისტი; 1975-1981წწ. ი. გოგებაშვილის სახ. პედაგოგიკის სამეცნიერო–კვლევითი ინსტიტუტის მეცნიერ–თანამშრომელი; 1983–2012წწ. საქართველოს მასწავლებელთა დახელოვნების ცენტრალური ინსტიტუტის კათედრის დოცენტი, კათედრის  გამგე, დირექტორის მოადგილე; 1974-2000წწ. საქართველოს განათლების სამინისტროს  (შემდეგ ქ. თბილისის განათლების სამინისტროს, ბოლოს საქ. კულტურის სამინისტროს) საბავშვო სამხატვრო სკოლის (ამჟამად სასწავლებლის) პედაგოგი და მეცნიერ–კონსულტანტი; 2001-2007წწ. თბილისის კულტურის აკადემიის, შემდეგ კულტურის სახელმწიფო ინსტიტუტისა და უნივერსიტეტის, ბოლოს შ. რუსთაველის თეატრისა და კინოს უნივერსიტეტის პედაგოგი, კათედრის გამგე და ფაკულტეტის დეკანი; 2009-2010წწ. თსსა (აპოლონ ქუთათელაძის სახელობის თბილისის სახელმწიფო სამხატვრო აკადემია) მაგისტრატურის ჯგუფის ("კრეატიული პედაგოგიკა") პედაგოგი და ხელმძღვანელი; 2011 წლიდან საქართველოს ქორეოგრაფიის მოღვაწეთა შემოქმედებითი კავშირის თავმჯდომარის მოადგილე; მონაწილეობს სამეცნიერო კონფერენციებში; მისი ხელმძღვანელობით დაცულია 5 დისერტაცია, ოპონირება გაუწია 20-მდე დისერტაციას; გამოქვეყნებული აქვს 60-მდე სამეცნიერო ნაშრომი ქართულ და რუსულ ენებზე. პედაგოგიკის დოქტორი.

 სადისერტაციო თემა - "ხელოვნებისადმი ესთეტიკური დამოკიდებულების აღზრდა საშუალო სასკოლო ასაკში".

• 2016 - საქართველოს ქორეოგრაფიის მოღვაწეთა შემოქმედებითი კავშირის რაინდის ორდენი
• 2014 - საქართველოს ქორეოგრაფიის მოღვაწეთა შემოქმედებითი კავშირის ბრწყინვალების ორდენი
• 2013 - ქართული კულტურის დესპანის წოდება
• 2012 - საქართველოს ქორეოგრაფიის მოღვაწეთა შემოქმედებითი კავშირის ამაგდარის ორდენი
• 2001 - ღირსების ორდენი
• იაკობ გოგებაშვილის სახელობის პრემია

• სახვითი ხელოვნების სწავლების ზოგიერთი საკითხი ზოგადსაგანმანათლებლო სკოლაში : დამხმ. სახელმძღვ. სახვ. ხელოვნების პედაგოგებისათვის (ავტორი). - თბილისი, განათლება, 1988. - 127გვ.