ნათია შიოშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის იურიდიულ ფაკულტეტი 1998 წელს; 1994-1997წწ. სწავლობდა თბილისის სახელმწიფო უნივერსიტეტის ხელოვნებისა და ჰუმანიტარულ პროფესიათა ფაკულტეტის პრესის თეორიისა და პრაქტიკის განყოფილების ჟურნალისტიკის სპეციალობაზე; 2003 წელს ჩააბარა პროკურატურის მუშაკთა საკვალიფიკაციო გამოცდა; 2005 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2007 წელს სოციალური კვლევისა და პოლიტიკის ანალიზის საერთაშორისო ცენტრში გავლილი აქვს სასწავლო კურსი - პიროვნული რესურსების მენეჯმენტი; 2014 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2014-2015წწ. იყო იუსტიციის უმაღლესი სკოლის მსმენელი.

1997 წელს - შპს "აუდიტ-ცენტრის" იურისტი; 2003 წელს მინიჭებული აქვს მეორე კლასის იურისტის სპეციალური წოდება; 1997-2008წწ. - საქართველოს იუსტიციის უმაღლეს საბჭოში კონსულტანტი, უფროსი კონსულტანტი, იუსტიციის საბჭოს წევრის თანაშემწე, სასამართლო ეთიკისა და დისციპლინური სამართალწარმოების სექტორის უფროსი, ორგანიზაციული უზრუნველყოფის სამმართველოს უფროსი, სამართლებრივი და ორგანიზაციული უზრუნველყოფის დეპარტამენტის უფროსის მოადგილე; საქართველოს საერთო სასამართლოების მოსამართლეთა კონფერენციის მიერ 2001 წელს არჩეულ იქნა საქართველოს საერთო სასამართლოების მოსამართლეთა სადისციპლინო საბჭოს წევრად; 2008-2015წწ. -  შპს "ჯორჯიან უოთერ ენდ ფაუერში" იურისტი, სამართლებრივი უზრუნველყოფის განყოფილების უფროსი, ადმინისტრაციული სამართალდარღვევების განმხილველი პირი/სემეკთან ურთიერთობის კოორდინატორი; 2016 წლის ივლისიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე; 2019 წლის ივნისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge

• საზღვარგარეთის ქვეყნების კონსტიტუციური სამართალი : დამხმარე სახელმძღვანელო (თანაავტორი) // კრ. 1. - თბილისი, უნივერსალი, 2013. - 384გვ.. - ISBN: 9789941221460
• მოსამართლეობის საკვალიფიკაციო საგამოცდო პროგრამა (რედაქტორი). - თბილისი, მერიდიანი, 2000. - 75გვ. . - ISBN: 9992822104