მალხაზ მანაგაძე

დაბადების ადგილი: ქ. ქუთაისი.

მუშაობდა ქუთაისის საკონსტრუქტორო ბიუროში ჯერ ხარატის მოწაფედ, შემდეგ ხარატად. 1986 წელს სამხედრო სავალდებულო სამსახური  ქ. კუიბიშევში მოიხადა. 1988 წელს დაბრუნდა ქუთაისში. ქუთაისში მერაბ კოსტავას საზოგადოების წევრი იყო, შემდეგ კი ერთ-ერთი ხელმძღვანელი გახდა. 1988 წლიდან იმყოფებოდა სამაჩაბლოში, ინიციატივა გამოიჩინა ბოგდანოვკაში ქართველების ჩასახლების დროს. მუშაობდა მშენებლობაზე რაჭაში, მიწისძვრებით დაზარალებულთა დასახმარებლად, აფხაზეთში, ქართველთა და აფხაზთა შორის მომხდარი ინციდენტის დროსაც, 1989 წლის 16 ივნისს, სოხუმს მიაშურა მოძმეთა დასახმარებლად. 1989 წლიდან მალხაზ მანაგაძე საქართველოს რესპუბლიკის ეროვნული გვარდიის ოფიცერი იყო. მუშაობდა თბილისის სპეცდაზვერვის სამმართველოში. დაიღუპა სოფელ ტამიშთან 1992 წლის 17 აგვისტოს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.291-292