თენგიზ პაპუაშვილი

დაბადების ადგილი: სოფელი ქვემო მაჩხაანი, სიღნაღის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1949 წელს; თბილისის სახელმწიფო უნივერსიტეტში ასპირანტურა (ნ. ბერძენიშვილის ხელმძღვანელობით) 1952 წელს.

1960 წლიდან მოღვაწეობდა ივანე ჯავახიშვილის სახელობის ისტორიისა და ეთნოლოგიის ინსტიტუტის შუა საუკუნეების საქართველოს ისტორიის განყოფილებაში ჯერ უფროს, შემდეგ წამყვან თანამშრომლად. წლების განმავლობაში იყო ისტორიისა და ეთნოლოგიის ინსტიტუტის სადისერტაციო საბჭოს სწავლული მდივანი. ის არის 98 სამეცნიერო ნაშრომის ავტორი, მათ შორის 6 მონოგრაფიისა. მისი გამოქვეყნებული წიგნებიდან აღსანიშნავია: "ჰერეთის ისტორიის საკითხები" (1970), "ჭარ-ბელაქანი" (1972), "რანთა და კახთა სამეფო VIII-XI სს." (1982), "საინგილოს ისტორიის ნარკვევები" (2008). ისტორიის მეცნიერებათა დოქტორი, პროფესორი.

საკანდიდატო დისერტაციის თემა - "ჭარ-ბელაქანი (კაკ-ელისენი) მე XIX საუკუნის I მესამედში", დაიცვა 1954 წელს; სადოქტორო დისერტაციის თემა - "ჰერეთის ისტორიის საკითხები", დაიცვა 1971 წელს.

წყარო: საინგილოს ისტორიის ნარკვევები : საქართველოს აღდგომისა და გამოხსნისათვის ბრძოლა კაკ-ელისენის გამო / თენგიზ პაპუაშვილი. - თბ.,2008.-გვ.306

• საინგილოს ისტორიის ნარკვევები : საქართველოს აღდგომისა და გამოხსნისათვის ბრძოლა კაკ-ელისენის გამო (ავტორი). - თბილისი, არტანუჯი, 2013. - 308გვ.. - ISBN: 9789941445132
• წუქეთის სიძველენი : საინგილოს ისტორიის საკითხების დამახინჯებისა და გაყალბების გამო (ავტორი). - თბილისი, მემატიანე, 2002. - 33გვ.
• ქართული კულტურის კერები საზღვარგარეთ დავით აღმაშენებლის ეპოქაში (ავტორი). - თბილისი, 1989. - 31გვ.
• რანთა და კახთა სამეფო (VIII-XI სს.) (ავტორი). - თბილისი, მეცნიერება, 1982. - 291გვ.
• ჭარ-ბელაქანი : ისტორიული ნარკვევი [საინგილო] (ავტორი). - თბილისი, საბჭოთა საქართველო, 1972. - 168გვ.
• ჰერეთის ისტორიის საკითხები : ნარკვევები სოციალურ-ეკონომიური და პოლიტიკური ისტორიიდან. უძველესი დროიდან XII ს. I მეოთხედამდე (ავტორი). - თბილისი, მეცნიერება, 1970. - 391გვ.