ზაზა მელიქიძე

დაბადების ადგილი: ქ. ბორჯომი.

დაამთავრა ბორჯომის პროფტექნიკური სასწავლებელი.

სავალდებულო სამხედრო სამსახური შორეულ ციმბირში მოიხადა, საიდანაც მეთაურთა მადლობები და სიგელები ჩამოიტანა. 1988 წელს მუშაობა დაიწყო სარემონტო სამშენებლო კონტორაში მუშად, შემდეგ გადავიდა პატარა ცემის სკოლა-სანატორიუმში მზარეულად. 1992 წლის 14 სექტემბერს გაიწვიეს აფხაზეთში ტერიტორიული მთლიანობის დასაცავად. მე-3 ბატალიონის ზემდეგი. დაიღუპა 1993 წლის 19 სექტემბერს გმირულად მდინარე გუმისთასთან ბრძოლებში. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.305