გიორგი ნოზაძე

დაბადების ადგილი: ქ. ხაშური.

დაამთავრა თბილისის  №71 საშუალო პროფესიული სასწავლებელი მხატვრული ავეჯის დურგლის სპეციალობით.

1990 წელს მუშაობა დაიწყო საწარმოო გაერთიანება "განთიადში". 1991 წლის 14 ივლისს გაიწვიეს საქართველოს ეროვნული გვარდიის რიგებში, ქუთაისის გარნიზონის მე-8 ბატალიონის მე-9 ასეულის პირველ ოცეულში. იბრძოდა სამაჩაბლოში სოფელ ნიქოზში. აფხაზეთის კონფლიქტის პირველივე დღიდანვე მონაწილეობდა სოხუმში, ოჩამჩირის რაიონის სოფლებში (ბესლახუბა, მერკულა, ლაბრა) გამართულ ბრძოლებში. 1993 წლის 13 თებერვლიდან მსახურობდა დასავლეთ საქართველოს სამხედრო პოლიციის სამმართველოში, ზემდეგის წოდებით, სამმართველოს სპეციალური დანიშნულების რაზმის სამხედრო პოლიციელად. იბრძოდა 1993 წლის 2 ივლისს დესანტის გადმოსხმის დროს სოფელ ტამიშში. დაიღუპა ფრონტის წინა ხაზზე სოფელ შრომასთან. 14 აგვისტოს მოხერხდა მისი გადმოსვენება, დაკრძალულია ძმათა სასაფლაოზე. საქართველოს ტერიტორიული მთლიანობისათვის მებრძოლი აფხაზეთის ომში. 

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.335