შორენა ჯანხოთელი

დაბადების ადგილი: სოფელი ჩიხა, საჩხერის რაიონი.

დაამთავრა თბილისის სახელმწიფო უნივერსიტეტის იურიდიული ფაკულტეტი 1996 წელს და მიენიჭა იურისტის კვალიფიკაცია; საქართველოს მეცნიერებათა აკადემიის სახელმწიფოსა და სამართლის ასპირანტურა კერძო სამართლის სპეციალობით 2005 წელს; 2006 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით. იყო თბილისის სახელმწიფო უნივერსიტეტის დოქტორანტი.

1990-1996წწ. - საიჯარო ფირმა "პრო-22"-ის იურისტი; 1996-1998წწ. - შპს "ბიზნეს-ასისტენტის" იურისტი; 1998-2000წწ. თბილისის იურიდიული ინსტიტუტის პედაგოგი, ამავდროულად მუშაობდა საქართველოს იუსტიციის სამინისტროში მრჩეველად; 1999-2004წწ. - საქართველოს ახალგაზრდა იურისტთა ასოციაციაში პედაგოგი; 2000-2001წწ. - საქართველოს ახალგაზრდა იურისტთა ასოციაციის იურიდიული დახმარების ცენტრის კონსულტანტი; 2001-2004წწ. - საქართველოს პარლამენტის აპარატის იურიდიული დეპარტამენტის მთავარ სპეციალისტი; 2004-2005წწ. - საქართველოს პარლამენტის ფრაქცია "დამოუკიდებელი მაჟორიტარების" მთავარი ექსპერტი სამართლებრივ საკითხებში; 2004 წლიდან - თბილისის ეკონომიკურ ურთიერთობათა სახელმწიფო ინსტიტუტში პედაგოგი; 2005-2007წწ. - შინაგან საქმეთა სამინისტროს საჯარო ინფორმაციის გაცემის ბიუროს უფროსი; 2007-2017წწ. - თბილისის საქალაქო სასამართლოს მოსამართლე; 2017 წლის მაისიდან - თბილისის საქალაქო სასამართლოს სამოქალაქო საქმეთა კოლეგიის მოსამართლე. 2019 წლის ოქტომბრიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge

• ტიპიური ხელშეკრულებების ნიმუშები : შედგენილი საქ. სამოქ. და შრომის კოდექსების საფუძველზე (Co-Author). - თბილისი, ბონა კაუზა, 2009. - 294გვ.
• "მეწარმეთა შესახებ" საქართველოს კანონი: კითხვებსა და პასუხებში (Author). - თბილისი, ბონა კაუზა, 2004. - 265გვ.. - ISBN: 999407640X