ზურაბ აბაშიძე

დაბადების ადგილი: სოფელი ქვემო ჭალა, საჩხერის რაიონი.

სწავლობდა საქართველოს პოლიტექნიკური ინსტიტუტის ჭიათურის ფილიალში, პარალელურად მუშაობდა მოსწავლე-ახალგაზრდობის სასახლეში ნორჩ ტექნიკოსთა სადგურში ავიასამოდელო წრის ხელმძღვანელად. გატაცებული იყო ტექნიკით. თავის მეგობარ მირიან ხიდაშელთან ერთად დაამუშავა და შექმნა ნახაზი ქართული ავტომატურად მსროლელი იარაღისთვის. ზურაბ აბაშიძე 1991 წელს შევიდა ეროვნულ გვარდიაში, რომლის ერთ-ერთი ბატალიონი (ამჟამად ბესიკ ქუთათელაძის სახელობის) დისლოცირებული იყო საჩხერეში. აფხაზეთში მიმდინარე საომარი კონფლიქტის დროს  იბრძოდა მოწინავე პოზიციებზე. დაიღუპა 1992 წლის 18 ოქტომბერს საბრძოლო ოპერაციის შესრულების დროს. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები.-თბ.,1996.-გვ.31-33

• ვახტანგ გორგასლის III ხარისხის ორდენი (გარდაცვალების შემდეგ)