გიორგი კობალაძე

დაბადების ადგილი: ქ. თბილისი.

1941 წელს ჩაირიცხა საქართველოს ინდუსტრიულ ინსტიტუტში მექანიკური ფაკულტეტის მანქანათმშენებლობის ტექნოლოგიის სპეციალობაზე.

1946 წელს სამუშაოდ გაანაწილეს ქუთაისის საავტომობილო ქარხანაში; მუშაობა დაიწყო მთავარი ტექნოლოგის განყოფილების ტექნოლოგად; სხვადასხვა წლებში მუშაობდა: საიარაღო-სატვიფრო განყოფილების უფროსის მოადგილედ, ტექნიკური მომარაგების განყოფილების უფროსად, საიარაღო საამქროს უფროსის მოადგილედ, ავტომატების საამქროს ეფროსად, საიარაღო-სატვიფრო კორპუსის უფროსად, ქარხნის მთავარი ინჟინრის მოადგილედ, მთავარ ინჟინრად. საქართველოს სს სახალხო მეურხეობის საბჭოს 1965 წლის 7 ივნისის დადგენილებით დაინიშნა ქუთაისის საავტომობილო ქარხნის დირექტორად. 1970 წელს გადაყვანილი იქნა თბილისში, საქართველოს მინისტრთა საბჭოსთან არსებულ ნავთობ-პროდუქტების მომარაგება-გასაღების მთავარი სამმართველოს უფროსად; 1974-1991წწ. საქართველოს "ავტორემონტის" გენერალურ დირექტორად. 

წყარო: ქუთაისის საავტომობილო ქარხნის მატიანე / ლიანა იობიძე. -თბ., 2007. - გვ.9

• 1966 - ლენინის ორდენი
  საქართველოს სახალხო მეურნეობის განვითარებაში მოპოვებული წარმატებებისათვის
• საქართველოს დამსახურებული რაციონალიზატორი
• ხალხთა მეგობრობის ორდენი
• საპატიო ნიშნის ორდენი
• საქართველოს დამსახურებული ინჟინერი