რევაზ ჭეიშვილი

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი ინჟინერ-მექანიკოსის სპეციალობით 1967 წელს წარმოებისაგან მოუწყვეტლივ.

1954 წელს დაიწყო მუშაობა ქუთაისის საავტომობილო ქარხანაში შასის საამქროს ზეინკლად. 1967-1975წწ. მუშაობდა: ამკრებ-მექანიკური საამქროს უფროსის მოადგილედ, ექსპერიმენტული და შასის საამქროების ხელმძღვანელად. 1975-1979წწ. მთავარი კონსტრუქტორის განყოფილების დიზელის ძრავის ბიუროს უფროსია. 1979-1982წწ. მთავარი ინჟინრის მოადგილე. 1982-1985წწ. ქარხნის პარტიული კომიტეტის მდივანი. 1985-1986წწ. საქართველოს მინისტრთა საბჭოს განყოფილების გამგის მოადგილე, მომდევნო ორი წელი ქუთაისის საქალაქო აღმასრულებელი კომიტეტის თავმჯდომარე. 1987 წელს არჩეული იქნა საკავშირო უმაღლესი საბჭოს დეპუტატად. 1987 წლის 21 იანვრიდან 1991 წლის 1 მაისამდე– საავტომობილო ქარხნის გენერალური დირექტორია. არის მრავალი გამოგონების ავტორი და თანაავტორი.

წყარო: ქუთაისის საავტომობილო ქარხნის მატიანე / ლიანა იობიძე. -თბ., 2007. - გვ.12