ამირან ლეჟავა

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტი ინჟინერმექანიკოსის სპეციალობით 1973 წელს.

1973-1975წწ. მუშაობდა სოხუმის ავტოკოლონა 2654-ის მექანიკოსად (საქართველოს საავტომობილო სამინისტროს M95 ტრესტი); 1975 წლიდან ქუთაისის საავტომობილო ქარხნის მთავარი კონსტრუქტორის განყოფილების ინჟინერ-კონსტრუქტორია; 1982 წლიდან მთავარი კონსტრუქტორის სამმართველოს ბიუროს უფროსი; 1982-1984წწ. მატერიალურ-ტექნიკური მომარაგების სამმართველოს უფროსი, სატრანსპორტო საამქროს უფროსი; 1984-1994წწ. გენერალური დირექტორის მოადგილე, ქარხნის კომერციული დირექტორი; 1994 წლის 1 ივნისიდან 1995 წლის 20 მარტამდე საწარმოო გაერთიანება "ქუთაისის ავტოქარხნის" გენერალური დირექტორი. არის ტექნიკურ მეცნიერებათა კანდიდატი და რამდენიმე სამეცნიერო შრომის ავტორი, სამედიცინო რეაბილიტაციის და ესთეტიკის ინსტიტუტის დირექტორი.

წყარო: ქუთაისის საავტომობილო ქარხნის მატიანე / ლიანა იობიძე. -თბ., 2007. - გვ.14