კამო ჩიკაშუა

დაბადების ადგილი: სოფელი ჩხარი, თერჯოლის რაიონი.

დაამთავრა თბილისის სახელმწიფო სამედიცინო ინსტიტუტის ფარმაცევტულ ფაკულტეტი 1967 წელს.

მუშაობა დაიწყო თერჯოლის რაიონის სარემონტო-საამშენებლო კანტორაში მუშად, შემდეგ კი მომარაგების აგენტად. ინსტიტუტის დამთავრების შემდეგ იგი სპეციალობით მუშაობდა ქ. გორის ცენტრალურ აფთიაქში, ბორჯომის რაიონის დაბა ახალდაბის აფთიაქის გამგედ, თბილისის N22-ე აფთიაქის გამგედ. 1975 წლის ივნისიდან საქართველოს ჯანმრთელობის დაცვის სამინისტროს მთავარი სააფთიაქო სამმართველოს საკონტროლო სარევიზიო განყოფილების უფროსად. 1986 წლის დეკემბრიდან კი დიდუბე-ჩუღურეთის რაიონის ცენტრალური N23-ე აფთიაქის გამგედ. შემდგომში პრივატიზაციის შემდეგ ზემოხსენებული აფთიაქი გარდაიქმნა შ.პ.ს "აფთიაქი N23"-ად და ბატონი კონსტანტინე (კამო) ამ აფთიაქის დირექტორი და მეპატრონეა. დაარსების დღიდან არჩეულია "საქართველოს პურისმჭამელთა და ეროვნული წეს-ჩვეულებების საზოგადოების" ვიცე-პრეზიდენტად. პირველი კატეგორიის პროვიზორ-ორგანიზატორი.

წყარო: დიდებული ადამიანები : ღირსეული ადამიანების ცხოვრება და ღვაწლი. ტ. 1 / ელგუჯა მგელაძე. -თბ., 2017. -გვ.412-415

• მედალი "ჯანმრთელობის დაცვის ფრიადოსანი"
• ღირსების ორდენი