რამაზ რაზმაძე

დაბადების ადგილი: სოფელი სალომინაო, ვანის რაიონი.

სავალდებულო სამხედრო სამსახური ყაზახეთში გაიარა. დაბრუნების შემდეგ სწავლა განაგრძო ბათუმის საოფიცრო სკოლაში, სადაც მიიღო ლეიტენანტის წოდება. 1989 წელს შევიდა ქუთაისში ჩამოყალიბებულ გვარდიაში, შემდეგ გადავიდა სამხედრო პოლიციაში. 90-იან წლებში სამხედრო საქმეს ასწავლიდა ვანის ილია ჭავჭავაძის სახელობის საშუალო სკოლაში. 1992-1993 წლებში მსახურობდა ქუთაისში, კოპიტნარის აეროპორტში კომენდანტის თანაშემწედ. იბრძოდა ცხინვალში და სოხუმში. დაიღუპა 1993 წლის 10 ივნისს სოხუმის რაიონის სოფელ ზეგანში. საქართველოს ტერიტორიული მთლიანობისათვის მებრძოლი აფხაზეთის ომში.

წყარო: უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.357-360

• ვახტანგ გორგასლის I ხარისხის ორდენი, (გარდაცვალების შემდეგ)