ნიკოლოზ კოპალიანი

დაბადების ადგილი: ქ. ცაგერი.

დაამთავრა ცაგერის პედაგოგიური ტექნიკუმი 1934 წელს; თბილისის სახელმწიფო უნივერსიტეტის ფილოლოგიური ფაკულტეტი 1940 წელს.

ლექსების წერა 13-14 წლის ასაკიდან დაიწყო; 1929 წლიდან იმყოფებოდა პიონერულ და კომკავშირულ სამუშაოზე; ლექსებს აქვეყნებდა გაზეთ "ნორჩ ლენინელში", ჟურნალ "პიონერში", რესპუბლიკურ რადიოგადაცემებში, უფრო გვიან წლებში – რაიონულ გაზეთში, გაზეთ "ახალგაზრდა კომუნისტში", "კომუნისტში"; აქტიურად თანამშრომლობდა სატირულ ჟურნალ "ნიანგში" ფსევდონიმით "ნ. რახი", ჟურნალ "ჩვენს თაობაში"; 1934-1935წწ. დაინიშნა ცაგერის "საბავშვო სახლის" ხელმძღვანელად; 1940-1941წწ. ცაგერის საშუალო სკოლის ქართული ენისა და ლიტერატურის მასწავლებლად; იყო მეორე მსოფლიო ომის მონაწილე; დაიღუპა პუშგორსკის ველზე (ფსკოვის ოლქი, რუსეთი).

წყარო: ისევ თქვენთან ვარ : ლექსები და ფრონტული წერილები / ნიკოლოზ კოპალიანი.-თბილისი, ქუთაისი.-1977.-გვ.3-5

• ისევ თქვენთან ვარ : ლექსები და ფრონტული წერილები] / ნიკოლოზ კოპალიანი ; წინასიტყვ. გ. ყურაშვილისა. საგამომცემლო ცნობები (ავტორი). - თბილისი ; ქუთაისი, საბჭ. საქართველო, 1977. - 67გვ.