მამუკა ასაბაშვილი

დაბადების ადგილი: სოფელი ბანძა, მარტვილის რაიონი.

დაამთავრა საქართველოს პოლიტექნიკურ ინსტიტუტის მანქანათმშენებლობის ფაკულტეტი 1991 წელს.

1986-1988 წლებში მოიხადა სავალდებულო სამხედრო სამსახური. ინსტიტუტის დამთავრების შემდეგ, დაბრუნდა მშობლიურ სოფელში, სადაც აქტიურ მონაწილეობას იღებდა ეკლესიის მშენებლობის საქმეში, იყო საზოგადოება "ბანძელის" წევრი. აფხაზეთში მიმდინარე საომარი კონფლიქტის დროს მოხალისედ მსახურობდა ბატალიონ "ორბში", რომლის მებრძოლებმაც ვაჟკაცურად დაიცვეს 2 დეკემბრის შემოტევა სოფელ ტამიშთან. დაიღუპა 1992 წლის 3 დეკემბერს ტამიშის მისადგომებთან. საქართველოს ტერიტორიული მთლიანობისათვის მებრძოლი აფხაზეთის ომში. 

წყარო: უკვდავება : საქართველოს ტერიტორ. მთლიანობისათვის აფხაზეთსა და შიდა ქართლში დაღუპულ მეომართა ბიოგრაფიები. ნაწილი 1-თბ.,1996.-გვ.56