ალექსანდრე ჩებანოვი

დაბადების ადგილი: ქ. ფოთი.

დაამთავრა ბათუმის სახელმწიფო საზღვაო აკადემიის გემთწამყვან-სანავიგაციო ფაკულტეტი ინჟინერ-გემთწამყვანის სპეციალობით 1995 წელს.

ზღვაში საქმიანობა ფოთის საოკეანო თევზჭერის სამმართველოს ტრაულერებზე დაიწყო; 1983 წლიდან რადიოოპერატორად, მოგვიანებით კი რადიოსადგურის უფროსად ცურავდა საოკეანო თევზსაჭერ ტრაულერებზე: «РУСЛАН» (1983), «РУСТАВИ» (1985), «ГУРИЯ»(1986), «АХУН» (1988), «ВЛАДИМИР СИМОНОК» (1989), «ЦХАЛТУБО» (1990), «БАТУМИ» (1992), «ПОНТО» (1994), «ГРАНУЛИТ» (1999), მოგვიანებით კი საქართველოს საზღვაო სანაოსნოს მცურავ შემადგენლობაში ჩაირიცხა და რადიოსადგურის უფროსად ცურავდა  სანაოსნოს ბალკერ «ХУДОЖНИК ВЛАДИМИР СЕРОВ»-სა და ტანკერ «КАПИТАН А. КАЧАРАВА»-ზე; 1990 წელს ზღვაში საქმიანობის პარალელურად სასწავლებლად შევიდა ბათუმის სახელმწიფო საზღვაო აკადემიის გემთწამყვან-სანავიგაციო ფაკულტეტზე; 1995 წელს პროფესიული საქმიანობა შორეული ნაოსნობის შტურმანად განაგრძო; კაპიტნის მეორე თანაშემწედ ცურავდა მშრალტვირთა გემ «ЮРИЙ САВИНОВ»-ზე; 2003 წელს საქართველოს საზღვაო ადმინისტრაციაში მიიღო კომპეტენციის დამადასტურებელი სერტიფიკატი და მომდევნო წლებში საქმიანობა სხვადასხვა უცხოური სანაოსნო კომპანიების გემებზე განაგრძო; ცურავდა კომპანია «MARINE SERVICES»-ის ატლანტიკის ტიპის საოკეანო სუპერტრაულერ «AL RAHMA»- ს, ტრაულერ «RISHRO»-სა და სხვა არაერთი გემის კაპიტნის მეორე თანაშემწედ.

წყარო: პაატა ტაბაღუას ქართული საზღვაო საავტორო გვერდი: facebook.com