ვლადიმერ კაკაბაძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1996 წელს.

2005 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; საქართველოსა და საზღვარგარეთ გავლილი აქვს არაერთი სემინარი და ტრენინგი, როგორც სამოქალაქო ისე სართაშორისო და ევროპული სამართლის მიმართულებით; 2018 წლიდან არის აღმოსავლეთ ევროპის უნივერსიტეტის დოქტორანტი, ასევე იუსტიციის უმაღლესი სკოლის მასწავლებელი, სამოქალაქო სამართლის მიმართულებით;
1997-1998წწ. მუშაობდა იურიდიული კომპანია "რჩეულიშვილი და კომპანიის" ადვოკატის თანაშემწედ; 1998-1999წწ. მუშაობდა "საქართველოს მომხმარებელთა უფლებების დაცვის ასოციაციის" იურისტად; 1998-2006წწ. იყო რეგისტრირებული კავშირის "კონსტიტუციურ უფლებათა დაცვის ცენტრის" ადვოკატი; 2000 წელს მუშაობდა  წამების საწინააღმდეგო საქართველოს კომიტეტში იურიდიული კომიტეტის უფროსის თანამდებობაზე; 2006 წელს საქართველოს უზენაესი სასამართლოს სამოქალაქო და გაკოტრების საქმეთა პალატის სამდივნოს კონსულტანტის თანამდებობაზე; 2006 წელს იყო "საერთაშორისო ამინისტიის თბილისის საინიციატივო ჯგუფის" წევრი; 2017 წელს თბილისის საქალაქო სასამართლოს სამოქალაქო საქმეთა კოლეგიის მოსამართლედ გამწესდა უვადოდ, კანონით დადგენილი ასაკის მიღწევამდე; 2006-2019წწ. იყო თბილისის საქალაქო სასამართლოს სამოქალაქო საქმეთა კოლეგიის მოსამართლე. 2019 წლის ივლისიდან 2019 წლის 12 დეკემბრამდე იყო თბილისის სააპელაციო სასამართლოს მოსამართლე, უვადოდ, კანონით დადგენილი ასაკის მიღწევამდე; 2019 წლის 12 დეკემბრიდან არჩეულია საქართველოს უზენაესი სასამართლოს მოსამართლედ უვადოდ, ორგანული კანონით დადგენილი ასაკის მიღწევამდე; 2021 წლის 3 ივნისიდან 2024 წლის 3 ივნისამდე იყო საკვალიფიკაციო პალატის წევრი.

წყარო: საქართველოს უზენაესი საქართველი: supremecourt.ge