თეა ძიმისტარაშვილი

დაბადების ადგილი: დაბა გულრიფში.

დაამთავრა საქართველოს სუბტროპიკული მეურნეობის ინსტიტუტის ტექნოლოგიური ფაკულტეტი, მიენიჭა ინჟინერ-ტექნოლოგის კვალიფიკაცია 1996 წელს; ივანე ჯავახიშვილის სახელობის თბილისის სახელმწიფო უნივერსიტეტის სოხუმის ფილიალის ისტორია-იურიდიული ფაკულტეტი, მიენიჭა იურისტის კვალიფიკაცია 2002 წელს. 2003 წლის 15 თებერვალს ჩააბარა ნოტარიუსთა საკვალიფიკაციო გამოცდა; 2003 წლის 08 მარტს პროკურატურის მუშაკთა საკვალიფიკაციო გამოცდა; 2020 წლის 10 მაისს გაიარა სპეციალური მომზადება ბავშვის უფლებათა დაცვის სფეროში;
2012 წლის 23-დან 25 მაისის ჩათვლით მონაწილეობა მიიღო სამეცნიერო-პრაქტიკულ სემინარში ლტოლვილთა სამართალში, ქ. კიევში; 2013 წლის 4-5 ნოემბერში მონაწილეობდა ცენტრალური და აღმოსავლეთ ევროპის მოსამართლეთა გაცვლით პროგრამაში, პრაღაში; 2019 წლის 9-10 თებერვალს მონაწილეობდა ტრენერთა ტრენინგში თემაზე: ზრდასრულთა სწავლების მეთოდოლოგია.

1997-1999წწ. მუშაობდა აფხაზეთის ა/რ იუსტიციის სამინისტროს გუდაუთის რაიონის სასამართლოს კანცელარიის გამგედ; 1999-2002წწ. თბილისის საოლქო სასამართლოში სხდომის მდივნად; 2002-2003წწ. მუშაობდა აფხაზეთის ა/რ იუსტიციის სამინისტროში მრჩევლად საკადრო საკითხებში, შემდეგ - მინისტრის აპარატის უფროსად; 2003-2004წწ. წლებში იყო აფხაზეთის ა/რ იუსტიციის მინისტრის მოადგილე; 2004-2005წწ. მუშაობდა სს "საქჰიდროენერგომშენის" ფილიალ "ჰიდრომშენსერვისის" იურისტად; 2005-2006წწ. ქ. გაგრის მერის მოადგილე, შემდგომ პირველი მოადგილე; 2005-2007წწ. იყო სს "საქჰიდროენერგომშენის" სამეთვალყურეო საბჭოს თავმჯდომარის მოადგილე; 2007 წლის დეკემბრიდან 2008 წლის აგვისტომდე ასრულებდა ამავე სასამართლოს თავმჯდომარის უფლებამოსილებას; 2007-2008წწ. მოსამართლის უფლებამოსილებას ახორციელებდა გორის რაიონულ სასამართლოში; 2009-2011წწ. ახორციელებდა მცხეთის რაიონული სასამართლოს მოსამართლის უფლებამოსილებას; 2007-2012წწ. იყო მცხეთის რაიონული სასამართლოს მოსამართლე; 2011-2012წწ. მივლინებული იყო თბილისის სააპელაციო სასამართლოში; 2014 წლიდან საქართველოს იუსტიციის უმაღლესი სკოლის მოწვეული ტრენერი შემდეგ თემებზე: "ინფორმაციის თავისუფლება და მონაცემთა დაცვა", "საერთაშორისო დაცვის ხელმისაწვდომობა, ბავშვის უფლების" დაცვა და სხვა. 2012 წლიდან ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის მოწვეული ლექტორი. 2012 წლის ოქტომბრიდან 2021 წლის 1 დეკემბრამდე იყო თბილისის სააპელაციო სასამართლოს მოსამართლე; 2021 წელს საქართველოს მოსამართლეთა კონფერენციის მიერ, სამი წლის ვადით, არჩეულია საქართველოს საერთო სასამართლოების მოსამართლეთა სადისციპლინო კოლეგიის წევრად; 2021 წლის  1 დეკემბერს არჩეულია საქართველოს უზენაესი სასამართლოს მოსამართლედ უვადოდ - ორგანული კანონით დადგენილი ასაკის მიღწევამდე. 2023 წლის 5 ოქტომბრიდან არის სადისციპლინო პალატის წევრი.

წყარო: საქართველოს უზენაესი საქართველი: supremecourt.ge