სერგო ჯანელიძე

დაამთავრა საქართველოს ტექნიკური უნივერსიტეტი, სამრეწველო და სამოქალაქო მშენებლობის სპეციალობით, ინჟინერ-მშენებლის კვალიფიკაციით 1993 წელს; ივანე ჯავახიშვილის სახელობის თბილისის სახელმწიფო უნივერსიტეტის ბიზნესის უმაღლესი სკოლა 1995 წელს.

1996-2006წწ. იყო საქართველოს სახელმწიფო დაცვის სპეციალური სამსახურის სამეურნეო სამმართველოს განყოფილების უფროსი; 2012-2013წწ. საქართველოს შინაგან საქმეთა სამინისტროს საკადრო და ორგანიზაციული უზრუნველყოფის დეპარტამენტის საფინანსო-სამეურნეო უზრუნველყოფის მთავარი სამმართველოს სამეურნეო-უზრუნველყოფისა და მატერიალური რესურსების მართვის სამმართველოს უფროსი; 2013-2015წწ. საქართველოს შინაგან საქმეთა სამინისტროს საფინანსო-სამეურნეო დეპარტამენტის მატერიალურ-ტექნიკური უზრუნველყოფის მთავარი სამმართველოს უფროსი; 2015-2024წწ. საქართველოს სახელმწიფო უსაფრთხოების სამსახურის ეკონომიკური დეპარტამენტის დირექტორი. 09.02.2024 წლიდან საქართველოს თავდაცვის მინისტრის მოადგილე. საქართველოს სახელმწიფო უსაფრთხოების სამსახურის დაარსების 7 წლის იუბილესთან დაკავშირებით მიღებული აქვს სამსახურის მედალი "საპატიო".

წყარო: საქართველოს თავდაცვის სამინისტრო: mod.gov.ge

• სამკერდე ნიშანი "ღირსეული სამსახურისთვის"