ცისანა თურქაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1955 წელს.

1960 წელს მუშაობა დაიწყო გაზ. "სოფლის ცხოვრებაში", ჯერ კორექტორად, შემდეგ ლიტერატურულ მუშაკად, განყოფილების რედაქტორად; იყო საშინაო პოლიტიკის განყოფილების გამგე; მიღებული აქვს სახელმწიფო ჯილდოები; 1972 წელს, საქართველოს სსრ უმაღლესი საბჭოს პრეზიდიუმის ბრძანებულებით, ბეჭდვითი სიტყვისა და პოლიგრაფიის დარგში ნაყოფიერი მუშაობისა და "სოფლის ცხოვრების" დაარსებიდან 50 წლისთავთან დაკავშირებით დაჯილდოვდა საქართველოს სსრ უმალლესი საბჭოს საპატიო სიგელით; ამავე წელს, საქ. სსრ შინაგან საქმეთა სამინისტრომ შს ორგანოების საქმიანობის გაშუქებისა და ფართო პოპულარიზაციისათვის, საზოგადოებრივი წესრიგის დაცვის საქმეში ქმედითი დახმარების გაწევისათვის "სოფლის ცხოვრების იუბილესთან დაკავშირებით დააჯილდოვდა საპატიო სიგელით.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.110; ცისანა თურქაძე : ხსოვნა // საქართველოს რესპუბლიკა. - თბილისი, 2004. - 25 თებერვალი. - N46(4775). - 10გვ.

• 1997 - ღირსების მედალი
  ქართულ პრესაში ნაყოფიერი ჟურნალისტური საქმიანობისათვის
• 1973 - სსრ კავშირის ჟურნალისტთა კავშირის პრემიის ლაურეატი
  "სოფლის ცხოვრების" ფურცლებზე დაბეჭდილი სსრკ 50 წლისთავისადმი მიძღვნილი თემატური გვერდებისთვის