თინათინ რუხაძე

დაამთავრა ქ. თბილისის მელიტონ ბალანჩივაძის სახელობის სახელმწიფო N3 სამუსიკო სასწავლებელი 1989 წელს; თბილისის ვანო სარაჯიშვილის სახელობის სახელმწიფო კონსერვატორია, პიანისტი, მუსიკის მასწავლებელი 1994 წელს. მუსიკისმცდონე (მაგისტრთან გათანაბრებული).

1989-1995წწ. იყო  ქ. თბილისის მე-4 სამუსიკო სკოლის ფორტეპიანოს მასწავლებელი; 1991-1993წწ. საქართველოს კულტურის სამინისტროს "ახალგაზრდა შემოქმედთა გაერთიანება" კამერული ორკესტრი "თბილისის კონცერტინოს"დირექტორის მოადგილე; 1994 წლიდან პროდიუსერი სსიპ საქტელერადიომაუწყებლობის I არხში; 1995 წელს სსიპ საქტელერადიომაუწყებლობის II არხის გამომშვები რედაქტორი; 1994–1996წწ. იკავებდა ტელეფესტივალის "მანა"-ს აღმასრულებელი დირექტორის თანამდებობას; 1995–1999წწ. იყო შპს TBC TV-ის გენერალური პროდიუსერი; 1999-2002წწ. საქტელერადიომაუწყებლობის პროდიუსერთა საბჭოს აპარატის უფროსი;  2004-2005წწ. სსიპ თბილისის ვასო აბაშიძის მუსიკისა და დრამის თეატრის გენერალური დირექტორი; 2005-2010წწ. იყო შპს "ცენტრ პოინტი ჯგუფის" საზოგადოებასთან ურთიერთობის სამსახურის უფროსი; 2011 წელს დააფუძნა შპს "ბიზნეს კონსალტინგ კომპანი", სადაც იკავებს დამფუძნებელი პარტნიორის თანამდებობას; 2014-2016წწ. იყო თბილისის მუნიციპალიტეტის საკრებულოს მრჩეველი განათლებისა და კულტურის საკითხებში; 2016-2024წწ. ა(ა)იპ ახალგაზრდობის ეროვნული სასახლის დირექტორი; 2024 წელს დაინიშნა კულტურისა და სპორტის მინისტრის თანამდებობაზე.

პროფესიული საქმიანობისას განხორციელებული პროექტები: თბილისის ცენტრალური საახალწლო ღონისძიებები (2002-2003), პროექტის ხელმძღვანელი; ქართული კულტურის დღეები სანკტ პეტერბურგში (2003), პროექტის ხელმძღვანელი; კომპოზიტორ ბიძინა კვერნაძის საავტორო საღამო ოპერის თეატრში (2002), ორგანიზატორი; ქართული კულტურის დღეები უკრაინაში (2004), პროექტის ხელმძღვანელი; აშშ პრეზიდენტის ჯორჯ ბუშის ვიზიტის კულტურული პროგრამა "აბანოთუბანი" (2005), პროექტის ხელმძღვანელი; კომპოზიტორ გია ყანჩელის საიუბილეო ღონისძიება აზერბაიჯანში (2015, ბაქო), კონსულტანტი; "სილქ როუდ ფორუმი" თბილისი (2015), საორგანიზაციო ჯგუფის მრჩეველი; ლიტერატურისა და ხელოვნების კონკურსი "თბილისი" (2015-2016), პროექტის ხელმძღვანელი; საქართველოს დამოუკიდებლობის 100 წლისთავისადმი მიძღვნილი ღონისძიებები ეროვნულ სასახლეში (2018), თანაორგანიზატორი; საქართველოს პარლამენტარიზმის 100 წლისთავისადმი მიძღვნილი ოფიციალური ღონისძიება ეროვნულ სასახლეში (2019), ღონისძიების ხელმძღვანელი; თბილისის გია ყანჩელის სახელობის ახალგაზრდული ორკესტრის ჩამოყალიბება (2019); საქართველოს პატრიარქის იუბილე (2023), პროექტის იდეის ავტორი და ხელმძღვანელი.      

წყარო: საქართველოს მთავრობა: gov.ge