თამარ მახარაშვილი

დაამთავარა ივანე ჯავახიშვილის სახელობის თბილისის სახელმწიფო უნივერსიტეტის აღმოსავლეთმცოდნეობის მიმართულებით (აღმოსავლეთმცოდნე ფილოლოგი) 1995 წელს; ივანე ჯავახიშვილის სახელობის თბილისის სახელმწიფო უნივერსიტეტის ასპირანტურის კურსი ებრაულ-არამეული ფილოლოგიის განხრით 1998 წელს.

1996-1997წწ. იყო უცხოეთში მცხოვრებ თანამემამულეებთან კულტურული კავშირის საქართველოს საზოგადოების უფროსი რეფერენტი; 1997-1999წწ. უცხოეთში მცხოვრებ თანამემამულეებთან კულტურული კავშირის საქართველოს საზოგადოების უცხოეთის ქვეყნებთან ურთიერთობის განყოფილების გამგის მოადგილე; 2000-2005წწ. ივანე ჯავახიშვილის სახელობის თბილისის სახელმწიფო უნივერსიტეტის იუდაიკის კაბინეტის ლექტორი; 2005-2008წწ. საქართველოს ლტოლვილთა და განსახლების მინისტრის მოადგილე; 2008 წელს დიასპორის საკითხებში საქართველოს სახელმწიფო მინისტრის მოადგილე; 2008-2010წწ. საქართველოს მთავრობის კანცელარიის საზოგადოებასთან ურთიერთობის სამსახურის უფროსი; 2008-2009წწ. საქართველოს კულტურის, ძეგლთა დაცვისა და სპორტის მინისტრის მრჩეველი; 2010-2012წწ. საქართველოს შრომის, ჯანმრთელობისა და სოციალური დაცვის სამინისტროს სსიპ "სახელმწიფო ზრუნვის სააგენტოს" დირექტორი; 2014 წელს საქართველოს განათლებისა და მეცნიერების სამინისტროს სსიპ განათლების ხარისხის განვითარების ეროვნული ცენტრის "პროფესიულ კვალიფიკაციათა განვითარების ხელშეწყობის პროგრამის" მენეჯერი; 2014-2015წწ. საქართველოს განათლებისა და მეცნიერების სამინისტროს სსიპ განათლების ხარისხის განვითარების ეროვნული ცენტრის დირექტორის მოადგილის მოვალეობის შემსრულებელი; 2015-2020წწ. სსიპ განათლების ხარისხის განვითარების ეროვნული ცენტრის დირექტორის მოადგილე; 2020-2024წწ. სსიპ განათლების ხარისხის განვითარების ეროვნული ცენტრის დირექტორი; 2000 წლიდან ილიას სახელმწიფო უნივერსიტეტის ებრაული ენის ლექტორი; 2022 წლიდან საქართველოს განათლების, მეცნიერებისა და ახალგაზრდობის მინისტრის მოადგილე.

პროექტები / ნაშრომები / პუბლიკაციები / ტრენინგები: 1997 წლიდან კვლევის ძირითად სფეროში გამოქვეყნებული აქვს 20-მდე სამეცნიერო პუბლიკაცია; არის ებრაულ ენაზე გამოცემული "დედა-ენის" ავტორი, რომელიც იაკობ გოგებაშვილის მიხედვით, ისრაელში მცხოვრები ქართველი ებრაელებისთვის შეიქმნა. 1999 წელს ისრაელის სარ ჰა არონის კურსები - სამთავრობო უწყებებში მართვა-მენეჯმენტი; 2000 წელს სტაჟირება ისრაელის ჰარ-ჰაცოფიმის უნივერსიტეტში; 1998-2000წწ. ისრაელში ქართული კულტურის დღეების ორგანიზება; 2004 წელს საქართველოში მსოფლიო ქართველ-ებრაელთა კვირეული; 2010-2012წწ. ტელე-მარათონები მზრუნველობამოკლებული ბავშვების საზოგადოებაში ინტეგრაციისთვის.

წყარო: საქართველოს განათლების, მეცნიერებისა და ახალგაზრდობის სამინისტრო: mes.gov.ge