თამარ კაპანაძე

დაბადების ადგილი: ქ. თბილისი.

დაამთავრა ქ. თბილისის N23 საშუალო პროფტექნიკური სასწავლებელი 1990 წელს; თბილისის სახელმწიფო უნივერსიტეტის იურიდიული ფაკულტეტი 1995 წელს და მიენიჭა იურისტის კვალიფიკაცია; 2003 წელს ჩააბარა ადვოკატთა ტესტირება სისხლის სამართლის სპეციალიზაციაში; 2003 წელს ჩააბარა პროკურატურის მუშაკთა საკვალიფიკაციო გამოცდა; 2004 წელს გაიარა ადვოკატთა ტესტირება სამოქალაქო სპეციალიზაციით; 2005 წელს ჩააბარა მოსამართლეობის საკვალიფიკაციო გამოცდა სისხლის სამართლის სპეციალიზაციით; 2014 წელს ჩააბარა მოსამართლეობის საკვალიფიკაციო გამოცდა სისხლის სამართლის სპეციალიზაციაში; 2010-2015წწ. გაიარა სემინარი ადამიანის უფლებათა ევროპული სამართლისა და სასამართლოს შესახებ ადვოკატთა ასოციაციის სასწავლო ცენტრში; 2010-2016წწ. გავლილი აქვს მრავალი სემინარი და ტრენინგი ადამიანის უფლებათა დაცვის ევროპულ კონვენციასა და სხვა სამართლებრივ თემატიკაზე, ფლობს შესაბამის სერტიფიკატებს. 2015 წელს იყო იუსტიციის უმაღლესი სკოლის მსმენელი.

1988-1990წწ. მუშაობდა თბილისის N23 საშუალო პროფტექნიკურ სასწავლებელში; 1996-2005წწ. - საქართველოს ადვოკატთა კოლეგიის წევრი, დიდუბის რაიონის ადვოკატურის ადვოკატი; 2005 წელს - "დიდუბის ადვოკატთა გაერთიანების" ადვოკატი; 2005-2009წწ. მუშაობდა ადვოკატად; 2009-2016წწ. - სპს "დიანა გვიშიანის საადვოკატო ბიუროში" ადვოკატი; 2008-2012წწ. თანამშრომლობდა საადვოკატო კომპანიასთან "თინათინ ნაკაშიძე და პარტნიორები” და საადვოკატო კომპანიასთან "GLCG"; 2008-2009წწ. - საქართველოს ანტიკრიზისულ საბჭოსთან არსებული, სისხლის სამართლის საპროცესო კოდექსზე მომუშავე ადვოკატთა (იურისტთა) ჯგუფის წევრი (ხელმძღვანელი); 2014 წელს - საქართველოს იურიდიული ფირმების ასოციაციის (სიფა) სისხლის სამართლის სამუშაო ჯგუფის წევრი; 2016 წლის ოქტომბრიდან - საქართველოს ტექნიკურ უნივერისტეტში სამართლისა და საერთაშორისო ურთიერთობების ფაკულტეტზე მიწვეული მასწავლებელი; 2017 წლის მაისიდან - თელავის რაიონული სასამართლოს მოსამართლე. 2020 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე.

წყარო: საქართველოს იუსტიციის უმაღლესი საბჭო: hcoj.gov.ge

• საქართველოს ადვოკატთა ასოციაცია, წევრი (2006-)

• ევროკონვენცია და ევროსასამართლოს პრეცედენტული პრაქტიკა : კრებული (თანაავტორი). - თბილისი, უნივერსალი, 2020. - 118გვ.. - ISBN: 9789941267857
• საჯარო სამართლის ქრონიკები : სტუდენტთა ნაშრომების კრებული /კავკასიის საერთაშორისო უნივერსიტეტი, საერთაშორისო სამართლის ლაბორატორია (თანაავტორი). - თბილისი, უნივერსალი, 2018. - 154გვ.. - ISBN: 9789941263422
• სტუდენტთა ნაშრომების კრებული: სამართლის აქტუალური საკითხები. N2 = Collection of students' scientific papers: Current issues of law (N2) (თანაავტორი). - თბილისი, უნივერსალი, 2018. - 124გვ. . - ISBN: 9789941264610
• სტუდენტების სამეცნიერო ნაშრომთა კრებული: სამართლის აქტუალური საკითხები = Collection of students' scientific papers: Current issues of law (თანაავტორი). - თბილისი, ემკოლორ ჯგუფი, 2017. - 171გვ.. - ISBN: 9789941275050