ციცინო როხვაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის იურიდიული ფაკულტეტი 2005 წელს და მიენიჭა იურისტის კვალიფიკაცია; 2006 წელს ჩააბარა ადვოკატთა ტესტირება სამოქალაქო სამართლის სპეციალიზაციით; 2007 წელს ჩააბარა მოსამართლის თანაშემწეობის პრეტენდენტთა საკვალიფიკაციო გამოცდა; 2007 წელს გაიარა ევროპის საბჭოს მიერ მხარდაჭერილი სასწავლო პროგრამა "ადამიანის უფლებათა ევროპული კონვენციის შესახებ" თ. წერეთლის სახელმწიფოსა და სამართლის ინსტიტუტში; 2011 წელს ჩააბარა მოსამართლეობის საკვალიფიკაციო გამოცდა სამოქალაქო და ადმინისტრაციული სამართლის სპეციალიზაციით; 2011-2012წწ. იყო იუსტიციის უმაღლესი სკოლის მსმენელი.

2004-2005წწ. გაიარა სტაჟირება საქართველოს უზენაესი სასამართლოს სამოქალაქო საქმეთა პალატაში; 2005-2006წწ. გაიარა სტაჟირება საქართველოს იუსტიციის სამინისტროს ნორმატიული აქტების სისტემატიზაციისა და ადგილობრივ თვითმმართველობის ორგანოებთან ურთიერთობის დეპარტამენტში; 2006-2007წწ. გაიარა სტაჟირება თბილისის სააპელაციო სასამართლოს სამოქალაქო საქმეთა პალატაში; 2007-2008წწ. - სპს "კვინიკაძე და პარტნიორებში" იურისტი; 2008 წელს - თბილისის სააპელაციო სასამართლოს კანცელარიისა და მოქალაქეთა მისაღების სპეციალისტი; 2008–2011წწ. - თბილისის სააპელაციო სასამართლოს სამოქალაქო საქმეთა პალატის სხდომის მდივანი; 2013-2017წწ. - თბილისის საქალაქო სასამართლოს მაგისტრი; 2017-2020წწ. - ოზურგეთის რაიონული სასამართლოს მაგისტრატი მოსამართლე ჩოხატაურის მუნიციპალიტეტში; 2020 წლის მაისიდან თანამდებობაზე გამწესებულია უვადოდ, კანონით დადგენილი ასაკის მიღწევამდე; 2020 წლის დეკემბრიდან - თბილისის საქალაქო სასამართლოს ადმინისტრაციულ საქმეთა კოლეგიის მოსამართლე.

წყარო: საქართველოს იუსტიციის უმაღლესი საბჭო: hcoj.gov.ge; თბილისის საქალაქო სასამართლო: tcc.court.ge