ნინო კაკულია

დაბადების ადგილი: ქ. თბილისი.

დაამთავრა თბილისის ჟურნალისტის სახლთან არსებული ახალგაზრდა ჟურნალისტთა ორწლიანი სკოლის სრული კურსი 1989 წელს; თბილისის სახელმწიფო უნივერსიტეტის ჟურნალისტიკის ფაკულტეტი 1996 წელს; საქართველოს ტელე-რადიო კორპორაციის ტექნიკური ცენტრის ტელეოპერატორთა და ვიდეომემონტაჟეთა კურსები ვიდეოოპერატორ -რეპორტიორის სპეციალობით 1998 წელს.

1994-1996 წწ. მუშაობდა ტელეკომპანია "რუსთავი 2"-ში საინფორმაციო პროგრამა "კურიერი"-ს კორესპონდენტად, სადაც გაიარა ჟურნალისტის პროფესიული ჩვევების ტრენინგი; 1997 წელს მუშაობა დაიწყო საქართველოს სახელმწიფო ტელევიზიაში, საინფორმაციო-მუსიკალური პროგრამა "ალიონი"-ს კორესპონდენტად, სადაც ამზადებდა საინფორმაციო-ანალიტიკურ სიუჟეტებს: პოლიტიკურ მიმოხილვას -"დღის თემა"; საავტორო რუბრიკას - "მე, შენ, ისინი" ( სოციოლოგიური სამსახურის "GORBI"- ის მიერ ჩატარებული გამოკითხვა-რეიტინგის მიმოხილვა); რუბრიკას - "პრესის მიმოხილვა"; საავტორო რუბრიკას - "რა გითხრათ, რით გაგახაროთ?" (პუბლიცისტური ჟურნალისტიკა); საავტორო რუბრიკას - "ვინ ვინ არის" საქართველოს ხელისუფლებაში (პარლამენტის დეპუტატთა პიროვნული, პროფესაული და ფსიქოლოგიური მონაცემების წარმოჩენა); 2003 წლიდან მუშაობს ქართული გაზეთის, "ჯორჯიან-თაიმსი"-ს კორესპონდენტად; რუბრიკით "ჟურნალისტების ქვეყანა" ეხმაურება მასმედიის პრობლემატიკას.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.118