მედეა გუგუტიშვილი

დაბადების ადგილი: ქ. ცხინვალი.

საშუალო სკოლის დამთავრების შემდეგ სამხრეთ ოსეთის ავტონომიური სიმღერისა და ცეკვის ანსამბლ "სიმდში" მიიღეს მოცეკვავე-მსახიობად. მისი რეპერტუარიდან აღსანიშნავია ცეკვები: "ქართული", "ოსური", "წყვილთა ნარნარი", "პაემანი", "განდაგანა", "მწყემსური", აგრეთვე სოლო პარტიები მუსიკალურ-ქორეოგრაფიული სიუიტებიდან: "ალანები", "შეყვარებული მაშტიბადი" და სხვა. იგი ანსამბლთან ერთად ხშირად მიემგზავრებოდა გასტროლებზე. 1971 წელს კოლექტივთან ერთად გამოვიდა მოსკოვის კრემლის ყრილობათა სასახლეში სკკპ XXIV ყრილობის დელეგატებისათვის გამართულ კონცერტზე.

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.- გვ.190

• 1979 - საქართველოს დამსახურებული არტისტი