გიორგი მამაცაშვილი

დაბადების ადგილი: ქ. თბილისი.

დაამთავრა ჟურნალისტთა ფედერაციასთან არსებული ჟურნალისტიკის ინსტიტუტი; თოიძის სახელობის სამხატვრო აკადემიასთან არსებული სამხატვრო კოლეჯის ოთხწლედი; თეატრალურ ინსტიტუტთან არსებული შ. დადიანის სახელობის ხელოვნების ინსტიტუტი.

1991 წლიდან ქართულ პრესაშია. უშუალო შეხება ჰქონდა რედაქციებთან: "დრონი", "ლელო", "ნერგი", "ახალგაზრდა ივერიელი", "საქართველოს სამრეკლო", "იბერია–სპექტრი", "თბილისი", "ახალი თაობა", "ასავალ–დასავალი", "ქართული ფეხბურთი", "სახალხო განათლება" და სხვ.; 1995 წლის 17 მარტიდან არის სტუდენტურ–ახალგაზრდული გაზეთის  "კოქტეილ Review"-ის რედაქტორი; 1995 წლის 17 მაისიდან თსუ სტუდენტურ-ახალგაზრდული გაზეთის "სტუდენტური პაემანის" მთავარი რედაქტორი; 1995–1997წწ. იყო თსუ სტუდენტთა და ასპირანტთა კავშირის პრესცენტრის ხელმძღვანელი; 1995–1997წწ. მეგობრებთან ერთად იყო საქართველოს სტუდენტურ ორგანიზაციათა ლიგის ერთ-ერთი დამფუძნებელი; არის მუსიკალური დაჯილდოების ცერემონიალის "სტუდენტური ფესტივალის" დამფუძნებელი; 2002-2004წწ. იყო თსუ ჟურნალისტიკის ფაკულტეტის სტუდენტთა და ასპირანტთა კავშირის თანათავმჯდომარე; 2002 წლიდან არის ჟურნალ "ახალგაზრდულის" გამომცემელი და მთავარი რედაქტორი; სახალხო მოძრაობის "აბრეშუმის გზის" ერთ-ერთი დამფუძნებელი, მრავალი პუბლიცისტური წერილის ავტორი. მიღებული აქვს მრავალი ჯილდო, სამახსოვრო და ქების სიგელი.

წყარო: ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.143-144

• საქართველოს ჟურნალისტთა ფედერაცია, წევრი (1996-)
• საქართველოს სპორტულ ჟურნალისტთა ასოციაცია, წევრი