შალვა დოლიძე

დაბადების ადგილი: ქ. თბილისი

ქართული ხალხური ცეკვის ხელოვნებას პირველად ეზიარა თბილისის პიონერთა და მოსწავლეთა რესპუბლიკურ სასახლეში ქორეოგრაფ რუბენ ჭოხონელიძის ხელმძღვანელობით. 1960 წელს მიიღეს საქართველოს სიმღრისა და ცეკვის სახელმწიფო დამსახურებულ ანსამბლში მოცეკვავე-მსახიობად (ქორეოგრაფი რესპუბლიკის სახალხო არტისტი ჯანო ბაგრატიონი). 1965 წლიდან საქართველოს ხალხური ცეკვის სახელმწიფო დამსახურებული აკადემიური ანსამბლის წევრია. ანსამბლში მუშაობის მრავალი წლის მანძილზე ბევრ ცეკვაში მიიღო მონაწილეობა, განსაკუთრებით აღსანიშნავია: "ალვანური", "ყაზბეგური", "ხევსურული", "მხედრული" და სხვა. იგი აქტიურად მონაწილეობდა ანსამბლის საგასტროლო საქმიანობაში. იყო ანსამბლის სადადგმო ნაწილის გამგე.

წყარო: ქართული ხალხური ქორეოგრაფიის მოღვაწენი / გიორგი სუხიშვილი.-თბ.,1988.-გვ.200

• 1981 - საქართველოს დამსახურებული არტისტი