თამთა საჯაია

დაბადების ადგილი: ქ. სენაკი.

დაამთავრა ქართულ-ამერიკული უნივერსიტეტის სამართლის სკოლა 2010 წელს, მიენიჭა ბაკალავრის ხარისხი და იურისტის კვალიფიკაცია; 2010 წელს გაიარა ადვოკატთა საკვალიფიკაციო ტესტირება სისხლის სამართლის სპეციალიზაციით; 2012 წელს დაამთავრა ქართულ-ამერიკული უნივერსიტეტის სამართლის სკოლის მაგისტრატურა; 2012-2021წწ. იუსტიციის უმაღლეს სკოლაში გაიარა შემდეგი ტრენინგები - მოსამართლის თანაშემწის სამთვიანი სასწავლო კურსი; ადამიანის უფლებათა ევროპული კონვენცია; სისხლის სამართლის საქმეზე განაჩენის ფორმა, მისი დასაბუთება და ტექსტის სტილისტიკური გამართულობა; სისხლის სამართლის პროცესი და სიახლეები; საქართველოს საკონსტიტუციო სასამართლოს მიერ მიღებული მნიშვნელოვანი გადაწყვეტილებები (პრეცედენტები); ტრეფიკინგთან დაკავშირებული მნიშვნელოვანი საკითხები: ტრეფიკინგის მსხვერპლთა, განსაკუთრებით ბავშვების ეფექტიანი დაცვა; ადამიანთა წამების, არაჰუმანური, სასტიკი ან პატივისა და ღირსების შემლახავი მოპყრობის აკრძალვა; ეფექტიანი კომუნიკაცია; მოწმის დაკითხვის ახალი წესი; საპროცესო დოკუმენტების შედგენა (სისხლის სამართალი); ირიბი მტკიცებულებებისა და სასამართლოს გარეთ გაკეთებული განცხადებების დასაშვებობა ოჯახური ძალადობის საქმეებზე; 2017 წელს გაიარა ტრენინგი - ურთიერთობების ფსიქოლოგია და ადამიანების მართვა; 2018 წელს გაიარა ტრენინგები - ადამიანის უფლებათა ევროპული სასამართლოსა და ეროვნული სასამართლოს პრაქტიკის ანალიზი; ადამიანის უფლებათა ევროპული კონვენციის მე-16 დამატებითი ოქმის გამოყენება; 2018 წელს ჩააბარა მოსამართლის საკვალიფიკაციო გამოცდა სისხლის სამართლის სპეციალიზაციაში; 2018 წელს გაიმარჯვა მართლმსაჯულების ზამთრის სკოლაში და სასწავლო ვიზიტით იმყოფებოდა ჰააგაში, მასპინძელი სასამართლო Residual Special Court for Sierra Leone. 2023-2024წწ. იყო იუსტიციის უმაღლესი სკოლის მსმენელი.

2009-2010წწ. - თბილისის საქალაქო სასამართლოს სისხლის სამართლის საქმეთა კოლეგიის სტაჟიორი; 2010-2014წწ. - თბილისის საქალაქო სასამართლოს სამართლებრივი და ორგანიზაციული უზრუნველყოფის განყოფილების სხდომის მდივანი; 2014-2018წწ. - თბილისის საქალაქო სასამართლოს სისხლის სამართლის საქმეთა კოლეგიის მოსამართლის თანაშემწე; 2018 წელს - საქართველოს უზენაესი სასამართლოს სისხლის სამართლის საქმეთა პალატის სამდივნოს მთავარი სპეციალისტი; 2018-2023წწ. - საქართველოს უზენაესი სასამართლოს სისხლის საქმეთა პალატის მოსამართლის თანაშემწე; 2024 წლის 1 ოქტომბრიდან განწესებულია ოზურგეთის რაიონული სასამართლოს მოსამართლის თანამდებობაზე 3 წლის ვადით.

წყარო: საქართველოს იუსტიციის უმაღლესი საბჭო: hcoj.gov.ge