სოფიო იაშვილი

დაბადების ადგილი: სოფელი ახალსოფელი, ყვარლის რაიონი.

1951-1956 წლებში ცეკვას დაეუფლა თბილისის პიონერთა და მოსწავლეთა სასახლეში ანტონ ჩიხლაძისა და რომან ჭოხონელიძის ხელმძღვანელობით. 1957 წელს მონაწილეობა მიიღო მსოფლიო ახალგაზრდობის ფესტივალში მოსკოვში საქართველოს ალკკ ცენტრალური კომიტეტის ინიციატივით შექმნილ ცეკვის ახალგაზრდულ ანსამბლთან ერთად (ხელმძღვანელი ბ. დარახველიძე). არის მსოფლიო ფესტივალის ლაურეატი. 1959-დან 1960 წლამდე მუშაობდა საქართველოს სიმღერისა და ცეკვის სახელმწიფო დამსახურებულ ანსამბლში (ხელმძღვანელი ჯ. ბაგრატიონი). 1960 წლიდან მუშაობდა საქართველოს ხალხური ცეკვის სახელმწიფო დამსახურებულ აკადემიურ ანსამბლში. იგი წარმატებით ასრულებდა სოლო ცეკვებს: "სამაია", "სიმდი", "ქართული". დაჯილდოებულია საქართველოს ალკკ ცკ-ის და რესპუბლიკის მთავრობის ქების სიგელებითა და დიპლომებით.

წყარო: ქართული ხალხური ქორეოგრაფიის მოღვაწენი/ გიორგი სუხიშვილი.-თბ.,1988.-გვ.208

• საქართველოს დამსახურებული არტისტი