ლერი ჭოჭუა

დაბადების ადგილი: სოფელი ბობოთი, გეგეჭკორის რაიონი (ახ. მარტვილის მუნიციპალიტეტი).

დაამთავრა საქართველოს სასოფლო-სამეურნეო ფაკულტეტი 1960 წელს.

1960-1993წწ. მუშაობდა სხვადასხვა თანამდებობებზე საკავშირო გაერთიანება "ტყეპროექტის", ამიერკავკასიის ტყეთმოწყობის საწარმოში პროფესიონალ მეტყევე-სპეციალისტიდან ინჟინერ-ტაქსატორობიდან საწარმოო-ტექნიკური განყოფილების უფროსობამდე (ინჟინერ-ტაქსატორი, ტყის ინვენტარიზაციის და დაგეგმვის პარტიის უფროსი, საწარმოო-ტექნიკური განყოფილების უფროსი); 1993-2006წწ. საქართველოს სატყეო მეურნეობის სახელმწიფო დეპარტამენტის ინვენტარიზაციის და მართვის გეგმების შემუშავების სამსახურის მთავარი სპეციალისტი; 2006-2013წწ. მონაწილეობდა გარემოსდაცვით საკითხებთან დაკავშირებულ პროექტებში; 2013 წლის ივნისში დაინიშნა საქართველოს გარემოს დაცვისა და ბუნებრივი რესურსების სამინისტროს ეროვნული სატყეო სააგენტოს მთავარ მეტყევედ; 2014 წლის მარტიდან განაგრძო მუშაობა საქართველოს გარემოსა და ბუნებრივი რესურსების დაცვის სამინისტროს ეროვნული სატყეო სააგენტოს მთავარი მრჩევლის თანამდებობაზე; ახალგაზრდულ ასაკში იქნა დასახელებული საბჭოთა კავშირის მასშტაბით, ტყეთმოწყობის ორმოცდაათ საუკეთესო პროფესიონალთა შორის; მისი უშუალო მონაწილეობით, თანაავტორობით და ხელმძღვანელობით უკანასკნელი ათწლეულების მანძილზე შემუშავებულია სატყეო სექტორის განვითარების პრობლემებზე სხვდასხვა რესპუბლიკური (რეგიონალური) და სართაშორისო პროექტები; არის სხვადასხვა პუბლიკაციების ავტორი, თანაავტორი, რედაქტორი; მონაწილეობა აქვს მიღებული სხვადასხვა საერთაშორისო და ეროვნულ ფორუმში. მეტყევე.

წყარო: ლერი ჭოჭუა - 80 : საქართველოს მეტყევეთა მესამე თაობის თვალსაჩინო წარმომადგენელი, რესპუბლიკის დამსახურებული მეტყევე // სატყეო მოამბე = Wood bulletin = Лесной вестник : საერთაშორისო სამეცნიერო-პრაქტიკული ჟურნალი.-თბილისი, 2018.- N 13-14.- გვ.31-33; ეროვნული სატყეო სააგენტო: facebook.com

• 2003 - საქართველოს დამსახურებული მეტყევე