მარიამ ჩუბინიძე

დაბადების ადგილი: ქ. ზესტაფონი.

დაამთავრა საქართველოს ტექნიკური უნივერსიტეტის ბიზნეს-ინჟინერინგის ფაკულტეტის ბაკალავრიატი 2012 წელს; საქართველოს ტექნიკური უნივერსიტეტის ბიზნეს-ინჟინერინგის ფაკულტეტის მაგისტრატურა 2014 წელს; გავლილი აქვს იუსტიციის უმაღლესი სკოლის შემდეგი ტრენინგები - მოსამართლის თანაშემწის კურსი; ადმინისტრაციული სამართალწარმოების აქტუალური საკითხები; საპროცესო დოკუმენტების შედგენა; საქართველოს საკონსტიტუციო სასამართლოს მიერ მიღებული მნიშვნელოვანი გადაწყვეტილებები (პრეცედენტები); აკადემიური მართლწერა; ბავშვის უფლებათა კოდექსი; სამედიცინო სამართლის პრობლემატური საკითხები; ბავშვთა არამართლზომიერი გადაადგილების სამოქალაქო ასპექტების შესახებ ჰააგის 1980 წლის კონვენცია; კანონი პერსონალურ მონაცემთა დაცვის შესახებ და საჯარო ინფორმაციის ხელმისაწვდომობა; ვალდებულებითი სამართლის პრობლემატური საკითხები; დისკრიმინაციის აკრძალვა "შიდა კანონმდებლობა და საერთაშორისო სტანდარტები"; გავლილი აქვს ტრენინგები - მედიაცია; სამართალწარმოება ადამიანის უფლებათა ევროპული სასამართლოსა და გაეროს სახელშეკრულებო ორგანოების სტანდარტების მიხედვით. 2023-2024წწ. იყო იუსტიციის უმაღლესი სკოლის მსმენელი. ჩაბარებული აქვს მოსამართლის საკვალიფიკაციო გამოცდა.

იყო სტაჟიორი თბილისის საქალაქო სასამართლოს სამოქალაქო საქმეთა კოლეგიაში; 2012-2014წწ. - თბილისის საქალაქო სასამართლოს აპარატის მომსახურების ცენტრის კონსულტანტი/წამყვანი სპეციალისტი; 2014-2018წწ. - თბილისის საქალაქო სასამართლოს ადმინისტრაციულ საქმეთა კოლეგიის სხდომის მდივანი/მოსამართლის თანაშემწე; 2018-2023წწ. - თბილისის სააპელაციო სასამართლოს ადამიანური რესურსების მართვისა და სამართლებრივი უზრუნველყოფის სამსახურის უფროსი სპეციალისტი, მოსამართლის თანაშემწე; 2024 წლის 1 ოქტომბრიდან განწესებულია ხაშურის რაიონული სასამართლოს მოსამართლის თანამდებობაზე 3 წლის ვადით.

წყარო: საქართველოს იუსტიციის უმაღლესი საბჭო: hcoj.gov.ge